aafat kii shoKhiyaan hain tumhaarii nigaah men

aafat kii shoKhiyaa.N hai.n tumhaarii nigaah me.n 

mehashar ke fitane khelate hai.n jalwa-gaah me.n

wo dushmanii se dekhate hai.n dekhate to hai.n 

mai.n shaad huu.N ke huu.N to kisii kii nigaah me.n

aatii hai baat baat mujhe yaad baar baar 

kehta huu.N daurr daurr ke qaasid se raah me.n

is tauba par hai naaz mujhe zaahid is qadar 

jo Toot kar shariik huu.N haal-e-tabaah me.n

mushtaaq is adaa ke bahot dard-ma.nd the 

ae DaaGh tum to baiTh gaye ek aah me.n

Lutf Wo Ishq Mein Paaye Hain Ke Jee Jaanta Hai

Lutf Wo Ishq Mein Paaye Hain Ke Jee Jaanta Hai
Ranj Bhee Aisay Uthaaye Hain Ke Jee Jaanta Hai

Jo Zamaanay Ke Sitam Hain Wo Zamaana Jaanay
TU Ne Dil Itnay Sataaye Hain Ke Jee Jaanta Hai

Muskuraatay Howay Wo Majmaa-e-Agyaar Ke Saath
Aaj Yun Bazm Mein Aaye Hain Ke Jee Jaanta Hai

Kaaba-o-Dair Mein Pathra Gayeen Dono Aankhain
Aisay Jalway Nazar Aaye Hain Ke Jee Jaanta Hai

Dosti Mein Teri Dar-Pardah Hamaaray Dushman
Is Qadar Apne Paraaye Hain Ke Jee Jaanta Hai

Daagh-e-Waarafta Ko Ham Aaj Tere Koochay Se
Is Tarah Khainch Ke Laaye Hain Ke Jee Jaanta Hai

Ranj Ki Jab Guftaguu Honay Lagi

Ranj Ki Jab Guftaguu Honay Lagi
Aap Se Tum Tum Se TU Honay Lagi

Chahye Paighambar Dono Taraf
Lutf Kia Jab Du-Ba-Du Honay Lagi

Meri Ruswayi Ki Naubat Aagayi
Unki Shohrat Qu-Ba-Qu Honay Lagi

Bay Niazi Badh Gayi Hai Is Qadar
Aarzoo Ki Aarzoo Honay Lagi

Ab Tou Mil Kar Dekhye Kya Rang Ho
Phir Hamari Justajuu Honay Lagi

“Daagh” Itraaye Howay Phirtay Hain Aaj
Shaayad Unki Aabruu Honay Lagi

Rahe ga ishq tera khaak mein mila ke mujhe,

Rahe ga ishq tera khaak mein mila ke mujhe,
Ke ibtidaa mein huye ranj intihaa ke mujhe,

Diye hain hijar mein dukh dard kis balaa ke mujhe,
Shab-e-firaaq ne maara litaa litaa ke mujhe,

Baghair maut ke kis tarah koi marta hai,
Mera raqeeb bhi roya galey laga ke mujhe,

Har ik shakhss ko haasil judaa hai kefiyat,
Jafaa ke lutf tujhe hain, mazey wafaa ke,

Ghazab ki aah meri, Daagh naam hai mera,
Tamaam sheher jalaao ge kya jalaa ke mujhe.

App Ka Aitbar Kon Kare

App Ka Aitbar Kon Kare
Roz Ka Intizar ko Kare

Zikr-E-Mehr-O-Wafa To Ham Karte
Phir Tumhen Sharam'sar kon Kare

Ho Jo Us Chashm-E-Mast Se Be'Khud
Phir Usey Hoshiyar Kon Kare

Tum To Ho Jaan Ik Zamaney ki
Jaan Tum Per Nisaar Kon Kare

Afat-E-Rozgar Jab Tum Ho
Shikwa-E-Rozgar Kon Kare

Apni Tasbeeh Rehne Da Zahid
Dana Dana Shumar Kon Kare

Ankh Hai Tark-E-Zulf Hai Shayed
Dekhen Dil Ka Shikar Kon Kare

Wada Karte Nahe Yeh Kehtey Hain
Tujh Ko Umeed War Kon Kare

Daagh Ki Shakal Dekh Kar Boley
Asi Shakal Ko Payar Kon Kare

Kyun wasl ki shab hath laganey nahin dete

Kyun vasl ki shab hath laganey nahin dete,
Maashooq ho ya koi amaanat ho kissi ki..

Ajab Apna Haal hota Jo Visaal-E-Yaar Hota

Ajab Apna Haal hota Jo Visaal-E-Yaar Hota
Kabi Jaan Sadqe Hoti Khabi Dil Nisaar Hota

Koi Fitnaa ya Qayamat Na Phir Aashkar Hota
Tere Dil Pe Zaalim Kash Mujhe Ikhtyaar Hota

Jo Tumhari Tarah Tum Se Koi Jhootey Wadey Karta
Tumhi Munsfi Se Keh Do Tumhe Eitbar Hota?

Yeh Maza Tha Dillagi Ka Ke Baraabar Agg Lagti
Na Tujhe Qaraar Hota Na Mujhe Qaraar Hota

Yeh Maza Hai Dushmani Mein Na Hai Lutf-E-Dosti Mein
Koi Ghair Ghair Hota Koi Yaar Yaar Hota

Tere Wadey Per Sitam gar  Abi Aur Eitbar Karte 
Agar Apni Zindagi Per Humain Eitbar Hota

Yeh Woh Dard-E-Dil Nahi Hai Ke Ho Chara Saaz Koi
Agar Aik Baar Milta To Hazzar Baar Hota

Raha na dil main woh be’dard aur dard raha,

Raha na dil main woh be’dard aur dard raha,
Muqeem kon hua hai, maqaam kiss ka thaa..

Uzr Ane Main Bhi Hai Aur

uzr ane main bhi hai aur bulate bhi nahin

bais-e-tark-e-mulaqat batate bhi nahin

khub parda hai ke chilman se lage baithe hain

saf chupate bhi nahin samane ate bhi nahin

ho chuka qata ta'lluq to jafayen kyon hon

jinko matlab nahin rahta wo satate bhi nahin

zist se tang ho ae Dag to jite kyon ho

jan pyari bhi nahin jan se jate bhi nahin

Tumhare Khat Main Naya Ik Salam

tumhare khat main naya ik salam kis ka tha

na tha raqib to akhir vo nam kis ka tha

vo qatl kar ke har kisi se puchte hain

ye kam kis ne kiya hai ye kam kis ka tha

vafa karenge nibhayenge bat manenge

tumhen bhi yad hai kuch ye kalam kis ka tha

raha na dil main vo be-dard aur dard raha

muqim kaun hua hai maqam kis ka tha

na puch-pach thi kisi ki na av-bhagat

tumhari bazm main kal ehtamam kis ka tha

hamare khat ke to purze kiye parha bhi nahin

sun jo tum ne ba-dil vo payam kis ka tha

inhin sifat se hota hai admi mashhur

jo lutf ap hi karte to nam kis ka tha

guzar gaya vo zamana kahen to kis se kahen

khayal mere dil ko subah-o-sham kis ka tha

har ek se kahte hain kya "Dag" bevafa nikla

ye puche in se koi vo gulam kis ka tha

Un K Ek Jan-Nisar Ham

un k ek jan-nisar ham bhi hain

hain jahan sau-hazar ham bhi hain

tum bhi bechain ham bhi hain bechain

tum bhi ho beqarar ham bhi hain

ai falaq kah to kya irada hai

aish k khvastagar ham bhi hain

shahar khali kiye dukan kaisi

ek hi vada-khvar ham bhi hain

sharm samajhe tere tagaful ko

vah! kya hoshiyar ham bhi hain

tum agar apni khu k ho mashuq

apne matlab k yar ham bhi hain

jis ne chaha phansa liya hamko

dil-baron k shikar ham bhi hain

kaun sa dil hai jis main dag nahin

ishq ki yadgar ham bhi hain

Sitam Hi Karna Jafa Hi Karna

sitam hi karna jafa hi karna nigah-e-lutf kabhi na karna

tumhen qasam hai hamare sar ki hamare haq main kami na karna

kahan ka ana kahan ka jana vo jante hi nahin ye rasmain

vahan hai vade ki bhi ye surat kabhi to karna kabhi na karna

hamari mayyat pe tum jo ana to char ansu baha k jana

zara rahe pas-e-abaru bhi kahin hamari hansi na karna

vo ik hamara tariq-e-ulfat ki dushmanon se bhi mil k chalna

ye ek sheva tera sitamagar ki dost se dosti na karna

Rasm-E-Ulfat Sikha Gaya

rasm-e-ulfat sikha gaya koi

dil ki duniya pe cha gaya koi

ta qayamat kisi tarah na bujhe

ag aisi laga gaya koi

dil ki duniya ujar si kyun hai

kya yahan se chala gaya koi

vaqt-e-rukhsat gale laga kar "Dag"

hansate hansate rula gaya koi

Ranj Ki Jab Guftagu

ranj ki jab guftagu hone lagi

ap se tum tum se tu hone lagi

chahiye paigamabar dono taraf

lutf kya jab du-ba-du hone lagi

meri rusawai ki naubat a gai

unki shohrat qu-ba-qu hone lagi

nazar bar gai hai is qadar

arzu ki arzu hone lagi

ab to mil kar dekhiye kya rang ho

phir hamari justaju hone lagi

'Dag' itraye hue phirate hain ap

shayad unki abaru hone lagi

Pukarti Hai Khamoshi Meri

pukarti hai khamoshi meri fugan ki tarah

nigahen kahtai hain sab raz-e-dil zuban ki tarah

jala k dag-e-muhabbat ne dil ko khak kiya

bahar ai mere bag main khizan ki tarah

talash-e-yar main chori na sar-zamin koi

hamare panv main chakar hain asman ki tarah

ada-e-matlab-e-dil hamase sikh jaye koi

unhen suna hi diya hal dastan ki tarah

Phire Rah Se Wo Yahan

phire rah se vo yahan ate ate

ajal meri rahi tu kahan ate ate

mujhe yad karne se ye mudda tha

nikal jaye dam hichakiyan ate ate

kaleja mere munh ko ayega ik din

yun hi lab pe ah-o-fugan ate ate

natija na nikla thak sab payami

vahan jate jate yahan ate ate

nahin khel ai "Dag" yaron se kah do

k ati hai urdu zuban ate ate

Phir Shab-E-Gam Ne Mujhe

phir shab-e-gam ne mujhe shakl dikhai kyon kar

ye bala ghar se nikli hui ai kyon kar

tu ne ki gair se meri burai kyon kar

gar na thi dil main to lab par tere ai kyon kar

tum dilazar-o-sitamgar nahin main ne mana

man jayegi ise sari khudai kyon kar

aina dekh k vo kahne lage ap hi ap

aise achon ki kare koi burai kyon kar

kasrat-e-ranj-o-alam sun k ye ilzam mila

itne se dil main hai itnon ki samai kyon kar

dag kal tak to dua ap ki maqbul na thi

aj munh mangi murad ap ne pai kyon kar

Parde Parde Main Atab

parde parde main atab ache nahin

aise andaz-e-hijab ache nahin

maykade main ho gaye chup-chap kyon

aj kuch mast-e-sharab ache nahin

ai falak kya hai zamane ki bisat

dam-ba-dam k inqalab ache nahin

bazm-e-vaiz be-sharan ache nahin

aise jalase be-sharab ache nahin

tauba kar len ham may-o-mashuq se

be-maza hain ye savab ache nahin

ik najumi "Dag" se kahta tha aj

ap k din ai janab ache nahin

Na Rwva Kahiye Na Saza Kahiy

na rava kahiye na saza kahiye

kahiye kahiye mujhe bura kahiye

dil main rakhne ki bat hai gam-e-ishq

is ko hargiz na barmala kahiye

vo mujhe qatl kar k kahte hain

manta hi na tha ye kya kahiye

a gai ap ko masihai

marne valo ko marhaba kahiye

hosh urane lage raqibon k

"Dag" ko aur bevafa kahiye

Na Jao Hal-E-Dil-E-Zar

na jao hal-e-dil-e-zar dekhte jao

k ji na chahe to na char dekhte jao

bahar-e-umr main bag-e-jahan k sair karo

khila hua hai ye gulzar dekhte jao

utho ankh na sharmao ye to mahfil hai

gazab se janib-e-agayar dekhte jao

hua hai kya abhi hangama abhi kuch hoga

fugan main hashr k asar dekhte jao

tumhari ankh mere dil se besabab-bevajah

hui hai larane ko tayyar dekhte jao

na jao band kye ankh raharavan-e-adam

idhar-udhar bhi khabaradar dekhte jao

koi na koi har ik sher main hai bat zarur

janab-e-"Dag" k ashar dekhte jao