meray muqadar k zaaechoon main meri kismat k zaavion main

meri tamana ka sard mausam meri aa’na ki sulagti shaamain
teri haya ka wo baraf lahja teri wafa ki machalti shaamain

meray muqadar k zaa’echoon main meri kismat k zaa’vion main
har aik lamha har aik pal ko ulajti subhain ulajti shamain

wo kahwab meray wo saraab meray wo rut jaghoon k azab meray
wo bahki bahki see dhalti shamain wo larkharati sambhalti shamain

wo urtey lamhay uray tu yuun they k jesay badal k jesay titli
magar dar-e-dil pe yuun rukay hain jesay ruk jaa’ein chalti shamain

meri wafa ko milay hain “atif” gham-e-zaman k khotey sikay
meri udasi pe hansti shamian machalti shamain balkti shamain

Mujh ko maloom nahin hijar ke qatil lamhay

Mujh ko maloom nahin hijar ke qatil lamhay

Tu ne kis aag main jal jal k guzaray hon ge

kabhi lafzoon main thakan tu ne samaiti ho gi

kabhi kaghaz pe faqat ashk utaray hon ge

ye bhi mumkin hai ke guzra huwa lamha lamha

jis ko main aaj bhi seenay se laga rakhta hoon

teray nazdeek faqat yaad ki parchai ho

duur ki jaisay teri iss se shanasai ho

jis tarah dhoop december ki dareechay se lagi

be irada kahin angan main utar aai ho

jaisay mehfil main kisi shakhs ki tanhai ho

go kay kehnay wali to

go kay kehnay wali to bay-hisaab baatain hain
aur meri jholi main bay-shumaar raatain hain

bay-shumaar raatain jo jaag kar guzaari hain
kis tarah meray dil say naag ban kay lipti hain

bay-shumaar raaton main an-gint woh lamhay hain
jin ki band mutthi mai sirf teri baatain hain

bay-shumaar raaton ki bay-hisaab lamhon ki
un-kahi sabhi baatain sirf tujh say kehni hain

na kaheen to woh baatain bay-hisaab lamhon ki
zindagi ki raahon ko khaar khaar kar dain gi

phir bhi yeh iraada hay zindagi ki raahon par
paaon khooN say rang jaaeyn bay-shumaar raaton ki

un-kahi sabhi baatain naag ban kay das jaaeyn
tum say kuch nahi kehna! tum say kuch nahi kehna!

Tumhein Kitna Yeh Bola Tha

Tumhein Kitna Yeh Bola Tha
k Meri Zindagi Mein Iss Tarah Shamil Nahi Hona
Jab Aankhein Subah Ko Kholon,Pukaroon Naam Main Tera
Kabhi Jo Aayeina Dekhon

Tumhara Aks Meri Aankh Ki Putlii Mein Jam Jaye
Khushi Mujh Ko Milay Koi
Tumhara Sath Main Dhoondoon
Dukhon Mein b Yehi Chahoon k Mery Pass Bas Tum Ho
Tumhein Kitna Yeh Bola Tha

Mujhay Badal Se,Barish Se Muhabbat Hay Hamesha Se
Magar Tum Ne Muhabbat Ko Junoon Mein Kiun Badal Dala?
Main Ab Barish k Mausam Mein Tumhi Ko Dhoondta Kiun Hon?
Inhii Sochoon Mein Bheegta Hon,Main Tanha Bheegta Kiun Hon?
Tumhein Kitna Yeh Bola Tha

Meri Aadat Nahi Badlo
Meri Khatir Nahi Badlo
Magar Tumne Badal Dala
Mera Sab Kuch Badal Dala

Main Ab Jo Khud Ko Takta Hon,Mujhay Tum Yad Ati Ho
Tumhein Kitna Yeh Bola Tha Mujhay Tum Yad Mat Ana
k Tum Ko Bhoolna Wesy Hi Mery Bas Se Bahir Hay
Mujhay Jab Yad Ati Ho To Yeh Mehsoos Hota Hay
Mujhay Tum Yad Karti Ho

Tumhein Kitna Yeh Bola Tha Mujhay Tum Yad Mat Karna
Mujhay Tum Yad Mat Ana
Meri Iss Zindagi Mein Iss Tarah Shamil Nahi Hona
Tumhein Kitna Yeh Bola Tha
Vo Rangon Mein Dhali Larki
Kabhi Jab Bat Karti Hay

To Uss k Lafz Khushboo Ki Tarah Mehsoos Hotay Hain
Vo Hansti Hay To Jaisy
Sara Aalam Uss Hansi Mein Doob Jata Hay
Vo Lab Uss k Vo Aankhein Aur Vo Chehray Ki Shadabi
k Jaisy Apsra Koi

Vo Mera Naam Leti Hay To
Meri Rooh Mein Jaisy Nasha Sa Utarta Hay
Mera Mann Jhoom Uthta Hay
Vo Rangon Mein Dhali Larki

Jhukayee Apni Palkon Ko Kabhi Jo Mujh Se Kehti Hay
Mujhay Tum Se Muhabbat Hay
To Uss Ka Sharmageen Lehja Yaqeen Mujhko Dilata Hay
k Duniya Khubsurat Hay
Vo Rangon Mein Dhali Larki

Udasi k Saayon Ko Jab b Orrh Leti Hay
Mera Dil Khoon Rota Hay
Main Uss Ki Sharbatii Aankhon Ki Num Se Bheeg Jata Hon
Vo Rangon Mein Dhali Larki
Jisay Mujh Se Muhabbat Hay

Mera Izhar Sunti Hay To Sab Bhool Jati Hay
Jhukayee Apni Palkon Ko Vo Aisy Muskurati Hay
k Jaisy Apsara Koi

Vo Rangon Mein Dhali Larki
Mery Lafzon Mein Rehti Hay
Mujhay Aksar Yeh Kehti Hay
Mujhay Tum Se Muhabbat Hay…

Wo kehti hai suno jaana

Wo kehti hai suno jaana,

Mohabbat moum ka ghar hai,

Tapish-e-bud-gumani ki,

Kahin pighla na de is ko?

Main kehta hoon,

Jis dil main zara bhi bad-gumani ho,

Wahan kuch aur ho to ho,

Mohabbat ho nahi sakti,

Wo kehti hai sada aise he,

Kia tum mujh ko chaho ge?

K main is main kami koi bhi,

Gawara ker nahi sakti,

Main kehta hoon,

Mohabbat kia hai ye tum ne sikhaya hai,

Mujhe tum se mohabbat k siwa,

Kuch b nahi aata,

Wo kehti hai,

Judai se bohat darta hai mera dil,

K khud ko tum se hat ker dekhna,

Mumkin nahi hai ab,

Main kehta hoon,

Yahi khadshe bohat mujh ko satate hain,

Magar sach hai mohabbat main,

Judai saath chalti hai,

Wo kehti hai,

Batao kia mere bin jee sako ge tum?

Meri baaten, meri yaaden, meri aankhen,

Bhula do ge?

Main kehta hoon,

Kabhi aisi baat per socha nahi main ne,

Ager ek pal ko bhi sochon to,

Saansen rukne lagti hain,

Wo kehti hai tumhen mujh se,

Mohabbat is qader kyon hai?

K main ek aam si larrki,

Tumhen kyon khaas lagti hon?

Main kehta hoon,

Kabhi khud ko meri aankhon se tum dekho,

Meri dewaangi kyon hai,

Ye khud he jaan jao gi,

Wo kehti hai,

Mujhe waraftgi se dekhte kyon ho?

K main khud ko bohat,

Qeemti mahsoos kerti hoon,

Main kehta hon,

Mata-e-jaan bohat anmol hoti hai,

Tumhen jub dekhta hoon zindgi,

Mahsoos kerta hoon,

Wo kehti hai,

Mujhe alfaz k jugno nahi milte,

K tumhen bata sakon,

K dil main mere kitni mohabbat hai,

Main kehta hoon,

Mohabbat to nigahon se jhalakti hai,

Tumhari khamoshi mujh se,

Tumhari baat kerti hai,

Wo kehti hai,

Batao na kiss ko khone se darta ho?

Batao kon hai wo jise,

Ye mousam bulate hain?

Main kehta hoon,

Yeh meri shayeri hai aaina dil ka,

Zara dekho batao kia,

Tumhen is main nazar aaya?

Wo kehti hai,

Atif jee bohat baaten banate ho,

Magar sach hai ye baaten,

Bohat he shaad rakhti hain,

Main kehta hoon,

Yeh sub baaten ye fasane ek bhana hain,

K pal kuch zindagani k,

Tumhare saath kat jayen,

Phir us k baad khamoshi ka,

Dilkash raqs hota hai,

Nigahen bolti hain aur,

Lub khamosh rehte hain…!!!

Roye Hain Buhat Tab Zara Qaraar Mila Hai

Roye Hain Buhat Tab Zara Qaraar Mila Hai
Is Jahan Mein kise Bhala Sacha Pyaar Mila Hai

Guzar rahi hai zindagi Imtehan ke daur se
Ek khatam Hua Toh Dusra Tayar Mila Hai

Mere Damaan ko khushiyo ka nahi Malaal
Gham ka khazana jo isko beshumar mila hai

Woh kamnasib hai jinhe mehboob mil gaya
Mein khushnasib hun mujhe Intezar mila hai