Dil Mein Ek Lehar Si

Dil mein ek lehar si uThi hai abhi.
Koi taza hava chali hai abhi.

Shor barpa hai Khana-e-dil mein;
Koi divar si giri hai abhi.

Kuchh to nazuk mizaj hain ham bhi;
Aur ye choT bhi nayi hai abhi.

Bhari duniya mein ji nahien lagta;
jaane kis cheez ki kami hai abhi.

Tu shareek-e-suKhan nahien hai to kya;
Ham-suKhan teri Khaamoshi hai abhi.

Yaad ke be-nishaan jazeeroon se;
Teri aavaz aa rahi hai abhi.

Shehar ki be-chiraaGh galiyoon mein;
Zindagi tujh ko DhuunDhti hai abhi.

So gaye loug us haveli ke;
Ek khiRki magar khuli hai abhi.

Tum to yaro abhi se uTh baiThe;
Shehar mein raat jagti hai abhi.

Vaqt achha bhi aayega 'Nasir';
Gham na kar zindagi paRi hai abhi.

Khushi ki rut ho ya gham ka mausam nazar usay dhondati hai har dam

Gaye dinoon ka surag lekar kidhar se aaya kidhar gaya woh
Ajeeb manoos ajnabi thaa mujhe tu hairaan kar gaya woh

Bas ek moti si chab dikha kar bas ek meethi si dhun suna kar
Sitara-e-sham ban kar aaya barang-e-khwab sehar gaya woh

Khushi ki rut ho ya gham ka mausam nazar usay dhondati hai har dam
Woh boo-e-gul thaa ke naghma-e-jaan mere tu dil mein utar gaya woh

Na ab woh yadoon ka charhta dareya na fursaton ki udaas barkha
Yunhi zara si kasak hai dil mein jo zakhm ghehra thaa bhar gaya woh

Kuch ab sambhalne lagi hai jaan bhi badal chala daur-e-asmaaan bhi
Jo raat bhari thee tall gaee hai jo din karra thaa guzar gaya woh

Shikasta-pa raah mein khara hoon gaye dinoo ko bula raha hoon
Jo qafila mera hamsafar thaa misal-e-gard-e-safar gaya woh

Mera tu khoon hogaya hai paani sitamgaroon ki pallak na bheegi
Jo nalaa uttha thaa raat dil se na jane kyon be-assaar gaya woh

Woh mekaday ko jane wala woh raat ki neend urranay wala
Yeh aaj kya us ke dil mein aaee ke shaam hotay hi ghar gaya woh

Woh hijr ki raat ka sitara woh hum nafas hum sukhan hamara
Sada rahay us ka naam pyara suna hai kal raat mar gaya woh

Woh jis ke shanay pe hath rakh kar safar kiya tu ne manziloon ka
Teri gali se na jane kyon aaj sar jhukaye guzar gaya woh

Woh raat ka be-nawa musafir woh tera shayar woh tera ‘Nasir’
Teri gali tak tu hum ne dekha thaa phir na jane kidhar gaya woh …

گئے دنوں کا سراغ لے کر کدھر سے آیا کدھر گیا وہ

گئے دنوں کا سراغ لے کر کدھر سے آیا کدھر گیا وہ

عجیب مانوس اجنبی تھا مجھے تو حیران کر گیا وہ

بس ایک موتی سی چھب دکھا کر بس ایک میٹھی سی دھن سنا کر

ستارۂ شام بن کے آیا برنگِ خوابِ سحر گیا وہ

خوشی کی رت ہو کہ غم کا موسم نظر اُسے ڈھونڈتی ہے ہردم

وہ بوئے گل تھا کہ نغمۂ جاں مرے تو دل میں اتر گیا وہ

نہ اب وہ یادوں کا چڑھتا دریا نہ فرصتوں کی اداس برکھا

یونہی ذرا کسک ہے دل میں جو زخم گہرا تھا بھر گیا وہ

کچھ اب سنبھلنے لگی ہے جاں بھی بدل چلا دورِ آسماں بھی

جو رات بھاری تھی ٹل گئی ہے جو دن کڑا تھا گزر گیا وہ

بس ایک منزل ہے بوالہوس کی ہزار رستے ہیں اہلِ دل کے

یہی تو ہے فرق مجھ میں اس میں گزر گیا میں ٹھہر گیا وہ

شکستہ پا راہ میں کھڑا ہوں گئے دنوں کو بلا رہا ہوں

جو قافلہ میرا ہمسفر تھا مثالِ گردِ سفر گیا وہ

مرا تو خوں ہو گیا ہے پانی ستمگروں کی پلک نہ بھیگی

جو نالہ اٹھا تھا رات دِل سے نہ جانے کیوں بے اثر گیا وہ

وہ میکدے کو جگانے والا وہ رات کی نیند اڑانے والا

یہ آج کیا اس کے جی میں آئی کہ شام ہوتے ہی گھر گیا وہ

وہ ہجر کی رات کا ستارہ وہ ہم نفس ہم سخن ہمارا

سدا رہے اس کا نام پیارا سنا ہے کل رات مر گیا وہ

وہ جس کے شانے پہ ہاتھ رکھ کر سفر کیا تو نے منزلوں کا

تری گلی سے نہ جانے کیوں آج سر جھکائے گزر گیا وہ

وہ رات کا بے نوا مسافر وہ تیرا شاعر وہ تیرا ناصر

تری گلی تک تو ہم نے دیکھا پھر نہ جانے کدھر گیا وہ

Gaye Dino Ka Suragh Le Kar. Kidhar Se Aaya Kidhar Gaya Woh

Gaye Dino Ka Suragh Le Kar.

Kidhar Se Aaya Kidhar Gaya Woh

Ajeeb Manoos Ajnabi Tha Mujhey

To Heran Kar Gaya Woh

Bas Aik Moti Si Chubh Dikha Kar.

Bas Aik Meethi Si Dhun Suna Kar

Sitara-e-Shaam Ban K Aaya.

Barang Khuwab-e-Sehar Gaya Woh

Khushi Ki Rut Ho K Gham K Mausam

Nazar usay Dhoondhti Hai Har Dam

Woh Boo-e-Gul Tha K Naghma-e-Jaan

Meray To Dil Mein Utar Gaya Woh

Na Ab Woh Yaadon Ka Charhta Darya.

Na Fursaton Ki Udas Barkha

Yun Hi Zara Si Kasak Hai Dil Mein.

Jo Zakhm Gehra Tha Bhar Gaya Woh

Kuch Ab Sambhalnay Lagi Hai Jaan Bhi.

Badal Chala Rang Aasmaan Bhi

Jo Raat Bhari Thi Tal Gayi Hai Jo

Din Kara Tha Guzar Gaya Woh

Shakista Pa Rah Mein Khara Hon.

Gaye Dino Ko Bula Raha Hon

Jo Qafla Mera Hum Safar Tha.

Misal-e-Gird Safar Gaya Woh

Woh MaiKaday Ko Jaganay Wala.

Woh Raat Ki Neend Ki Uranay Wala

Ye Aaj Kia Us K Jee Mein Aayi K

Sham Hotay Hi Ghar Gaya Woh

Woh Jis K Shanay Pe Hath Rakh

Kar Safar Kia Tu Ne Manzilon Ka

Teri Gali Se. Na Janay Kiyon. Aaj Sir 

Jhukaye Guzar Gaya Woh

Woh HijR Ki Raat Ka Sitara.

Woh Hum Nafas. Hum Sukhan Hamara

Sada Rahay Us Ka Naam Pyara.

Suna Hai Kal Raat Mar Gaya Woh

Woh Raat Ka BeNawa Musafir.

Woh Tera Shayar. Woh Tera NASIR

Teri Gali Tak To Hum Ne Dekha Tha.

Phir Na Janay Kidhar Gaya Woh

naye kapre badal kar jaun kahan aur bal banaun kis k liye

naye kapre badal kar jaun kahan aur bal banaun kis k liye
wo shakhs to shahar hi chor gaya ab khak uraun kis k liye

jis dhup ki dil ko thandak thi wo dhup usi k sath gai
in jalti bujhti galiyon main ab khak uraun kis k liye

wo shahar main tha to us k liye auron se milna parta tha
ab aise-waise logon k main naz uthaun kis k liye

ab shahar main is ka badal hi nahi koi waisa jan-e-gazal hi nahi
aiwan-e-gazal main lafzon k guldan sajaun kis k liye

muddat se koi aya na gaya sunsan pari hai ghar ki faza
in khali kamron main ?Nasir? ab shamma jalaun kis k liye

Apni dhun mein rehta hoon

Apni dhun mein rehta hoon
Mein bhi tere jesa hoon

Oo pichli rut ke sathi
Mein bhi tere jesa hoon

Teri gali mein sara din
Dukh ke kankar chunta hoon

Mera diya jalaye kon
Mein tera khali kamra hoon

Tu jeevan ki bhari gali
Mein jungle ka tanha rasta hoon

Aati rut mujhe roye gi
Jaati rut ka jhonka hoon

Teri nigaah ke jadu bikharte jate hain

Teri nigaah ke jadu bikharte jate hain
Jo zakhm dil ko miley woh bharte jate hain

Tere bagher woh din bhi guzar gaye akhir
Tere bagher yeh din bhi guzarte jate hain

Liye chalo mujhe darya-e-shauk ki maujo
Ke hamsafar tou mere paar utarte jate hain

Tamaam umar jahan hanste khelte guzaari
Ab us gali mein bhi hum darte darte jate hain

Mein khawhishon ke gharonde banaye jata hoon
Woh mehntain meri barbaad kiye jate hain

Kya lage raat ke phir dil mein samaya koi

Kya lage raat ke phir dil mein samaya koi
Raat bhar phirta hai is sheher mein saya koi

Fikr yeh thi ke shab e hijar kattey gi kyun kar
Lutff yeh hai ke humain yaad na aaya koi

Shauk yeh tha ke mohabbat mein chalein ge chup chap
Ranj yeh hai ke tamasha na dikhaya koi

Sheher mein humdum dereena bohat they nasir
Waqt parney per mere kaam na aya koi

Dard kam hone laga aao ke kuch raat kate

Dard kam hone laga aao ke kuch raat kate
Gham ki miaad badha jaao ke kuch raat kate

Hijr mein aah-o-baka sa kuhan hai lekin
Aaj yeh rasm hi dohrao ke kuch raat kate

Yun to tum roshni qalb-o-nazar ho lekin
Aaj who mojezah dikhlao ke kuch raat kate

Dil dukhaata hai who milkar bhi magar aaj ki raat
Usi be-dard ko le aao ke kuch raat kate

Dam ghuta jaata hai afsurda dili se yaaro
Koi afvah hi phailao ke kuch raat kate

Main bhi bekaar hun aur tum bhi ho viran bahot
Doston aaj na ghar jaao ke kuch raat kate

Chod aaye ho sarshaar use kyun NAASIR
Use phir ghar se bula lao ke kuch raat kate

Safar-e-Manzil-e-Shab Yaad Nahi

Safar-e-Manzil-e-Shab Yaad Nahi
Loog Rukhsat Huye Kab Yaad Nahi

Awwaleen Qurb Ki Sarshaari Mein
Kitnay Armaan Thay Jawaab Yaad Nahi

Dil Main Har Waqt Chubhan Rehti Thi
Thi Mujhe Kis Ki Talab Yaad Nahi

Wo Sitaara Thi K Shabnam Thi k Phool
Ik Soorat Thi Ajab Yaad Nahi

Kaisi Veeraan Hai Guzargaah-e-Khayaal
Jub Se Wo Aariz-o-Lab Yaad Nahi

Bhooltay Jaatay Hain Maazi Ke Dayaar
Yaad Aayein Bhi TOu Sub Yaad Nahi

Aisa Uljha Hun Gham-e-Duniya Main
Ek Bhi Khwaab-e-Tarb Yaad Nahi

Rishta-e-Jaan Tha Kubhi Jis Ka Khayaal
Oski Soorat Bhi Tou Ab Yaad Nahi

Ye Haqiqat Hai K Ehbaab Ko Ham
Yaad Hee Kab Thay Jo Ab Yaad Nahi

Yaad Hai Sair-e-Charaaghan “Nasir”
Dil k Bujhne Ka Sabab Yaad Nahi

Dil DhaRakne Ka Sabab Yaad Aaya

Dil DhaRakne Ka Sabab Yaad Aaya
Wo Teri Yaad Thi Ab Yaad Aaya

Aaj Mushkil Tha Sambhalna Ay Dost
TU Musibat Main Ajab Yaad Aaya

Din Guzra Tha Bari Mushkil Se
Phir Tera Waada-e-Shab Yaad Aaya

Tera Bhula Hua Paimaan-e-Wafa
Mar Rahenge Gar Ab Yaad Aaya

Phir Loog Nazar Se Guzre
Phir Koi Sheher-e-Tarab Yaad Aaya

Haal-e-Dil Hum Bhi Sunate Laikin
Jab Wo Rukhsat Howa Tab Yaad Aaya

Baith Kar Saaya-e-Gul Main ‘Nasir’
Hum Bohat Roye Wo Jab Yaad Aaya

Udaasion Ka Samaa Mehfilon Mein Chhor Gayi

Udaasion Ka Samaa Mehfilon Mein Chhor Gayi
Bahaar Ik Khaash Si Dilon Mein Chhor Gayi

Bichar Ke Tujh Se Hazaaron Taraf Gaya Khayaal
Teri Nazar Mujhe Kin Manzilon Mein Chhor Gayi

Kahan Se Laa’ye Ab Os Nigaah Ko Nasir ?
Jo Na-Tamaam Umangain Dilon Mein Chhor Gayi

Tanhayi Ka Dukh Gehra Tha

Tanhayi Ka Dukh Gehra Tha
Mein Darya Darya Rota Tha

Ek Hee Leher Na Sambhli Warna
Mein Toofaanon Se Khaila Tha

Tanhaayi Ka Tanha Saaya
Dair Se Mere Saath Laga Tha

Chhor Gaye Jub Saaray Saathi
Tanhaayi Ne Saath Diya Tha

Sookh Gayi Jab Sukh Ki Daali
Tanhaayi Ka Phool Khila Tha

Tanhaayi Mein Yaad-e-Khuda Thi
Tanhaayi Mein Khauf-e-Khuda Tha

Tanhaayi Mohraab-e-Ibaadat
Tanhaayi Manbar Ka Diya Tha

Tanhaayi Mera Paa-e-Shikasta
Tanhaayi Mera Dast-e-Dua Tha

Wo Jannat Mere Dil Mein Chhupi Thi
Jisay Mein Baahir Dhoond Raha Tha

Tanhaayi Mere Dil Ki Jannat……………..
Mein Tanhaa Hun, Mein TanhaTha…!

Tere Milnay Ko Be-Kal Hogaye Hain

Tere Milnay Ko Be-Kal Hogaye Hain
Magar Ye Loog Paagal Hogaye Hain

Bahaarain Le Ke Aaye Thay Jahaan Tum
Wo Ghar Sunsaan Jangal Ho Gaye Hain

Yahaan Tak Barh Gaye Aalaam-e-Hasti
Ke Dil Ke Honslay Shal Ho Gaye Hain

Unhain Sadyon Na Bhoolay Ga Zamaana
Yahaan Jo Haadsay Kal Ho Gaye Hain

Jinhain Hum Dekh Kar Jeetay Thay Nasir
Wo Loog Aankhon Se Ojhal Ho Gaye Hain

Yaad Aata Hai Roz-o-Shab Koi

Yaad Aata Hai Roz-o-Shab Koi
Ham Se Rootha Hai Be-Sabab Koi

Lab-e-Jo Chhaon Mein Darakhton Ki
Wo Mulaaqaat Thi Ajab Koi

Jab Tujhe Pehli Baar Dekha Tha
Wo Bhee Tha Mausam-e-Tarb Koi

Kuch Khabar Le Kar Teri Mehfil Se
Door Betha Hai Jaan-e-Balab Koi

Na Gham-e-Zindagi Na Dard-e-Firaaq
Dil Mein Yunhi Si Hai Talab Koi

Yaad Aati Hai Door Ki Baatain
Pyaar Se Dekhta Hai Jab Koi

Chout Khaayi Hai Baar-Haa Laikin
Aaj Tou Dard Hai Ajab Koi

Jin Ko Mitna Tha Mit Chukay Nasir
Un Ko Ruswa Karay Na Ab Koi

Be Karaan Tanhaayion Ka Silsila Reh Jaaye Ga

Be-Karaan Tanhaayion Ka Silsila Reh Jaaye Ga
Tere Mere Darmiyaan, Bas Ik Khalaa Reh Jaaye Ga

Aks Beh Jaayein Ge Saaray Dhoop Ke Sailaab Mein
Aur Koi Paanion Mein Jhaankta Reh Jaaye Ga

Mujh Ko Mere Hamsafar Aisa Safar Darpaish Hai
Raasta Kat Bhee Gaya Tou Faasla Reh Jaaye Ga

Loog So Jaayein Ge Khamoshi Ki Chaadar Orh Kar
Chaand Soonay Aanganon Mein Jaagta Reh Jaaye Ga

Jo Kubhi Os Ne Parheen Theen Mujh Se Nasir Maang Kar
Naam Mera Un Kitaabon Mein Likha Reh Jaaye Ga

Hoti Hai Tere Naam Se Wehshat Kabhi Kabhi

Hoti Hai Tere Naam Se Wehshat Kabhi Kabhi
Barham Hui Hai Yun Bhi Tabiyat Kabhi Kabhi

Ay Dil Kise Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Tere Karam Se Ay ALm-e-Husn-e-Aafreen
Dil Ban Gaya Hai Dost Ki Khilwat Kabhi Kabhi

Dil Ko Kahan Naseeb Ye Taufeeq-e-Iztiraab
Milti Hai Zindagi Main Ye Raahat Kabhi Kabhi

Josh-e-Junoon Main Dard Ki Tugyaniyon K Saath
Ashkon Main Dhal Gai Teri Surat Kabhi Kabhi

Tere Qareeb Reh k Bhi Dil Mutmayin Na Tha
Guzri Hai Mujh Pe Ye Qayamat Kabhi Kabhi

Kuch apna Hosh Tha Na Tumhara Khayaal Tha
Yun Bhi Guzar Gai Shab-e-Furqat Kabhi Kabhi

Ay Dost Ham Ne Tark-e-Muhabbat Ke Bawajood
Mehsoos Ki Hai Teri Zarurat Kabhi Kabhi

Bhari dunya mein jee nahin lagta

Bhari dunya mein jee nahin lagta,
Jaane kis cheez ki kami hai abhi..

Yun Baitha Hun Dil Ke Daagh Se Khush

Yun Baitha Hun Dil Ke Daagh Se Khush
Jaisay Bacha Charaagh Se Khush

Jab Taaron Ki Shamain Jhilmilain
Saaqi Ne Kia Ayaagh Se Khush

Gham Chorh Gaya Jisay Jagaa Kar
Wo Dil Na Howa Faraagh Se Khush

Ab Naala-e-Dil Na Chairh Bulbul
Ye Baagh Hai Shor-e-Zaagh Se Khush

Ab Raas Hai Ka Kunj-e-Gham Hee “Nasir”
Ab Dil Nahi Sair-e-Baagh Se Khush

Teri Zulfon Ke Bikharnay Ka Sabab Hai Koi

Teri Zulfon Ke Bikharnay Ka Sabab Hai Koi
Aankh Kehti Hai Tere Dil Mein Talab Hai Koi

Aanch Aati Hai Tere Jism Ki Uryaani Se
Pairhan Hai Ke Sulagti Howi Shab Hai Koi

Hosh Uraanay Lageen Phir Chaand Ki Thandi Kirnain
Teri Basti Mein Hun Ya Khwaab-e-Tarb Hai Koi

Geet Banti Hai Tere Sheher Ki Bharpoor Hawa
Ajnabi Mein Hee Nahi TU Bhee Ajab Hai Koi

Lye Jaati Hain Kisi Dehaan Ki Lehrain “Nasir”
Door Tak Silsila Taak-e-Tarb Hai Koi