chaand tanhaa hai aasmaan tanhaa

chaaNd tanhaa hai aasmaaN tanhaa

dil milaa hai kahaaN kahaaN tanhaa

bujh gaii aas chhup gayaa taaraa

thar-tharaataa rahaa dhuaaN tanhaa

zindagii kyaa isii ko kahte haiN

jism tanhaa hai aur jaaN tanhaa

ham-safar ko’ii gar mile bhi kahiiN

donoN chalte rahe tanhaa tanhaa

jaltii bujhtii si raushnii ke pare

simTaa simTaa sa ek makaaN tanhaa

raaH dekhaa karegaa sadiyoN tak

chhoR jaayeNge ye jahaaN tanhaa

aablaapaa koi is dasht men aayaa hogaa

aablaapaa ko’ii is dasht meN aayaa hogaa

varnaa aaNdhii meN diyaa kis ne jalaayaa hogaa

zarre zarre pe jaRe hoNge kuNvaare sajde

ek ek but ko Khudaa us ne banaayaa hogaa

pyaas jalte hu’e kaaNToN kii bujhaa’ii hogii

riste paanii ko hathelii pe sajaayaa hogaa

mil gayaa hogaa agar ko’ii suneharii patthar

apnaa TuuTaa hu’aa dil yaad to aayaa hogaa

abi abi koi is dasht main aya hoga

abi abi koi is dasht main aya hoga
warna andhi main diya kis ne jalaya hoga

zarre zarre pe jare honge kunware sajde
ek ek but ko Khuda us ne banaya hoga

pyas jalte huye kanton ki bujhai hogi
riste pani ko hatheli pe sajaya hoga

mil gaya hoga agar koi sunahari patthar
apna tuta hua dil yad to aya hoga

khun k chinte kahin poch na len rehron se
kis ne wirane ko gulzar banaya hoga

Aghaz To Hota Ha Anjam nahe Hota

Aghaz To Hota Ha Anjam nahe Hota
Jab Meri Kahani Mein Woh Naam Nahe Hota

Jab Zulaf Ki Kaalakh Mein Ghull Jae Koi Rahi
Badnam Sahi Lekin Gumnam Nahe Hota

Hns Hans Ke Jawan Dil Ke Hum Kyun Na Chunain Tukre
Har Shaks Ki Qismat Mein Inaam Nahe Hota

Dil Tor Diya Us Ne Yeh Keh Kar Nigaahon Se
Pathar Se Jo Takraaye Woh Jaam Nahe Hota

Din Doobe Hai Ya Doobi Baraat Liya Kashti
Sahil Pe Magar Koi Kohram Nahe Hota