Aik Purani Baat

Jo bhi ghar se jata hai
Ye keh kar hi jata hai

"Dekho, mujh ko bhool na jana
Main phir lauT ke aahonga

Dil ko achhe lagne vale
Lakhoon tuhfe lahonga

Naye naye lougon ki batain
Aa kar tumhein sunahonga"

Lekin aankhein thak jati hain
Vo vapis nahien aata hai

Loug bahut hain aur vo akela
Unn mein gum ho jata hai

hamaisha dair kar daita hoon main

Hamaisha dair kar daita hoon main har kaam karnay main

zaroori baat kehni ho, koi wada nibhana ho

isay aawaaz daini ho, usay wapas bulana ho

hamaisha dair kar daita hoon main!

Madad karni ho uski, yaar ki dharas bundhana ho

bohut dareena rastoon par kisi say milnay jana ho

hamaisha dair kar daita hoon main!

Badaltay mausmoon ki sair main dil ko lagana ho

kisi ko yaad rakhna ho, kisi ko bhool jana ho

hamaisha dair kar daita hoon main!

Kisi ko maut say pehlay kisi ghum say bachana ho

haqeeqat aur thee kuch, usko ja kar yeh batana ho

hamaisha dair kar daita hoon main!!

Hamesha der kar deta hun main

hamesha der kar deta hun main

zaruri bat kahni ho
koi wada nibhana ho
use awaz deni ho
use wapas bulana ho
hamesha der kar deta hun main

madad karni ho uski
yar ki dharas bandhana ho
bahut derina raston par
kisi se milne jana ho
hamesha der kar deta hun main

badalte mausamon ki sair main
dil ko lagana ho
kisi ko yad rakhna ho
kisi ko bhul jana ho
hamesha der kar deta hun main

kisi ko maut se pahle
kisi gam se bachna ho
haqiqat aur thi kuch
us ko ja k ye batana ho

hamesha der kar deta hun main

Dil Jal Raha Tha Gham Se Magar Nagmagar Raha

Dil Jal Raha Tha Gham Se Magar Nagmagar Raha
Jab Tak Raha Main, Saath Mere Yeh Hunar Raha

Subah-E-Safar Ki Raat Thi, Taare The, Aur Hawa
Saaye Sa Ek, Der Talak, Baam Par Raha

Meri Sada Hawa Mein Bohat Door Tak Gayi
Par Main Bula Raha Tha Jise, Bekhabar Raha

Guzari Hai Kya Maze Se Khayaalon Mein Zindagi
Doori Ka Yeh Tilism Bada Kaargar Raha

Khauf Aasmaan Ke Saath Tha Sar Par Jhuka Hua
Koi Hai Bhi Ya Nahin Hai,Yehi Dil Mein Dar Raha

Is Aakhiri Nazar Mein Ajab Dard Tha ‘Munir’
Jaanay Ka Uske Ranj Mujhe Umr Bhar Raha

Kisi Ko Apnay Amal Ka Hisaab Kya Detay

Kisi Ko Apnay Amal Ka Hisaab Kya Detay ?
Sawaal Saaray Ghalat Thy Jawab Kya Detay ?

Kharab Sadyon Ki Be-Khwabiyan Theen Aankhon Main
Ab In Be-Aant Khala’on Main Khwaab Kya Detay ?

Hawa Ki Tarha Musafir Thy Dilbaron K Dil
Unhain Bus Aik Hee Ghar Ka Azaab Kya Detay ?

Sharaab Dil Ki Talab Thi Sharaa K Pehray Main
Hum Itni Tangi Main Us Ko Sharaab Kya Detay ?

Munir Dasht Shuroo Se Saraab Aasa Tha
Os Aainay Ko Tamanna Ki Aab Kya Detay?

Saaya-e-Qasr-e-Yaar Mein Baitha

Saaya-e-Qasr-e-Yaar Mein Baitha
Mein Tha Apnay Khumaar Mein Baitha

Os Ka Aana Tha Khwaab Mein Aana
Mein Abs-e-Intezaar Mein Baitha

Koi Soorat Nahi Hai Os Jaisi
Osko Dekho Hazaar Mein Baitha

Osko Khushion Se Khauf Aata Hai
Weham Kia Zehen-e-Yaar Mein Baitha

Hum Bhee Raston Mein Phir Rahay Thay Muneer
Wo Bhee Tha Raahguzar Mein Baitha

Meri saari zindagi ko be’samar iss ne kiya

Meri saari zindagi ko be’samar iss ne kiya
Umar meri thi magar,isko basar iss ne kiya

Main bohut kamzor tha iss mulq main hijrat kay baad
Per mujhe iss mulq mein kamzor’tar iss ne kiya

Rehbar mera bana gumraah karne kay liye
Mujhko seedhey raste se darbadar iss ne kiya

Shehar mein woh moatbir meri gawahi se huwa
Phir mujhe iss shehar main na’moatbir iss ne kiya

Shehar ko barbaad kar kay rakh diya iss ne ‘Munir’
Shehar per yeh zulm mere naam per iss ne kiya

Tujhse bicharr kar kya hoon main, ab bahar akar dekh

Tujhse bicharr kar kya hoon main, ab bahar akar dekh,
Himmat hai to meri haalat, aankh mila kar dekh,

Shaam hai gehri, tez hawaa hai, sar pe khari hai raat,
Rasta gaye musafir ka ab diya jalaa kar dekh,

Darwaze ka paas aa aa kar wapis murrti chaap,
Kaun hai iss sunsaan gali main, paas bula kar dekh,

Shayed koi dekhne wala ho jaye khairaan,
Kamre ki deewaron par koi naqsh bana kar dekh,

Tu bhi Munir ab bhare jahaan main mil kar rehna seekh,
Bahar se to dekh liya, ab andar jaa kar dekh..

Hum zubaan mere they in ke dil magar achey na they

Hum’zubaan mere they in ke dil magar achey na they,
Manzilain achi thee’n mere hum’safar achey na they,

Jo khabar pohanchi yahan tak asal surat mein na thi,
Thi khabar achi magar ehl-e-khabar achey na they,

Bastiyon ki zindagi mein be’zari ka zulm tha,
Log achey they wahan ke ehl’e'zar achey na they,

Hum ko khubaa’n main nazar ati theen kitni khoobiyan,
Jis qadar achey lage they is qadar achey na they,

Is liye aayi nahin ghar mein mohabbat ki hawaa,
Is mohababt ki hawaa ke muntazir achey na they,

Ik khayal-e-haam hi murshad tha in ka aye Munir,
Yaani apne sheher mein ehl-e-nazar achey na they..

Mehfil ar’aa they magar phir kam’numaa ho geya they

Mehfil ar’aa they magar phir kam’numaa ho geya they,
Dekhtey hi dekhtey hum kya se kya ho gaye they..

Kitaab-e-zeest ka ek aur baab hatam hua

Kitaab-e-zeest ka ek aur baab hatam hua,
Shabaab hatam hua, azaab hatam hua..

Janta hoon aik aese shakhs ko mein bhi Munir

Janta hoon aik aese shakhs ko mein bhi Munir,
Gham se pathar ho geya lekin kabhi roya nahin..

Bechain bahut phirna ghabaraye hue rahna,

Bechain bahut phirna ghabaraye hue rahna,
ik ag si jazbon ki bahakaye hue rahna,

chalkaye hue chalana khushbu-e-begani ki,
ik bag sa tha apna mahkaye hue rahna,

is husn ka shewa hai, jab ishq nazar aye,
parde main chale jana, sharmaye hue rahna,

ik sham si kar rakhna kajal k karishme se,
ik chand sa ankhon main chamkaye hue rahna,

adat hi bana li hai tum ne to "Munir" apni,
jis shahar main bhi rahna uktaye hue rahna ...

Chaman Mein Rang_E_ Bahaar Utra To Main Nay Dekha.

Chaman Mein Rang_E_ Bahaar Utra To Main Nay Dekha.
Nazar Say DilL Ka Gubaar Utra To Main Nay Dekha.

Main Neem Shab Aasmaa'n Ki Wus'att Ko Dekhta Tha.
Zameen Pay Wo Husn-Zaar Utraa To Main Nay Dekha.

Gali K Baahir Tamam Manzar Badal Gaye Thay.
Jo Saaya_E_Koo-E-Yaar Utra To Main Nay Dekha.

Khumaar-e-May Main Wo Chehra Kuch Aur Lag Raha Tha.
Dam-e-Saher Jab Khumaar Utra To Main Nay Dekha.

Ik Aur Dariya Ka Saamna Tha MUNEER Mujh Ko.
Main Aik Darya K Paar Utra To Main Nay Dekha ...

Hamesha Dair Kar Deta Hoon

Hamesha Dair Kar Deta Hoon
Zaroori Baat Kehni Ho

Koi Wada Nibhana Ho
Ussay Aawaaz Deni Ho

Ussay Waapis Bulaana Ho
Hamesha Dair Kar Deta Hoon Main

Madad Karna Ho Us Ki
Yaar Ki Dhaaras Bandhana Ho

Bohat Deir Hi Na Raston Par
Kisi Say Milnay Jaana Ho

Hamesha Deir Kar Deta Hoon Main
Badaltay Mausamon Ki Sair Mein

Dil Ko Lagaana Ho
Kisi Ko Yaad Rakhna Ho

Kisi Ko Bhool Jaana Ho
Hamesha Deir Kar Deta Hoon Main

Kisi Ko Maut Say Pehlay
Kisi Gham Say Bachana Ho

Haqeeqat Aur Thi Kuch
Us Ko Jaa K Yeh Bataana Ho

Hamesha Deir Kar Deta Hoon Main !