Woh koi aor nah tha chand khushk paty thay

Woh koi aor nah tha chand khushk paty thay

Shajar se toot ke jo fasl-e-gul par roey they

Abhi abhi tumhen socha to kuch nah yaad aya

Abhi abhi to ham eik dosry se bichry thay

Tumhary baad chaman par jab ik nazar dali

Kali kali mein Khizan ke chirag jalaty thay

Tamam omr wafa ke gunahgar rahy

Yeh aor baat keh hum adami to achy thay

Shab-e-Khamosh ko tanhai ne zaban de di

Pahar goonjty thay dasht sansanaty thay

Woh aik baar mary jin ko tha hiyaat se piyar

Jo zindagi se gurezan thay roz marty thay

Naye Khayal ab aaty hein dhal ke zahan mein

Humary dil mein kabhi khet lehlahaty thay

Yeh irtiqa ka chalan hai keh har zamany mein

Purany log naey aadmi se darty thay

Nadeem jo bhi mulaqaat thi adhoori thi

Keh aik chehry ke peechy hazaar chehry thay

Jab tira hukam mily tark-e-mohabbat kar di

Jab tira hukam mily tark-e-mohabbat kar di

Dil magar us pey woh dharka kek qiyamat kar di

Tujh se kis tara main izhaar-e-mohabbat karta

Lafz soojha to maani ne bagawat kar di

Main to samjha tha keh lot aaty hein jany waly

Tu ne ja ke to judai meri qismat kar di

Mujh ko dushman ke iradon pey bhi piyar aata hai

Teri ulfat ney mohabbat meri aadat kar di

Pooch betha hon main tujh se tery koochy ka pata

Tery halaat ney kesi teri soorat kar di

Kya tera jism tery hussn ki hidat mein jala

Raakh kis ney teri sony ki si rangat kar di

Kon kehta hai keh moat aai to mar jaon ga

Kon kehta hai keh moat aai to mar jaon ga

Main to darya hoon to samandar mein utar jaon ga

Tera dar chhor ke main aor kidhr jaon ga

Ghar mein ghir jaon ga sehra mein bikhr jaon ga

Tery pehlu se jo uthon ga to mushkil yeh hai

Sirf aik shakhas ko paon ga jidhr jaon ga

Ab tery shehr mein aaon ga musafir ki tarh

Saya abar ki manind guzr jaon ga

Tera peman-e-wafa rah ki deewar bana

Warna socha tha jab chahon ga mar jaon ga

Chara sazon se alag hai mera meyar keh main

Zakham khaon ga to kuch aor sanwar jaon ga

Ab to khursheed ko doby hoye sadyan guzren

Ab usy dhondny main ta basahr jaon ga

Zindgi shama ki manind jalata hon Nadeem

Bujh to jaon ga magr subh to kar jaon ga

Bigar ke mujh se woh mery liy udas bhi hai

Bigar ke mujh se woh mery liy udas bhi hai

Woh zodranj to hai par wafa shanas bhi hai

Tqazy jism ke apny bhi hein dil ka mazaj apna hai

Woh mujh se door hai or mery aas paas bhi hai

Nah jany kon se chashmy hein marwaye badan

Keh pa chuka hon jisy mujh ko iski piyas bhi hai

Woh aik paikr mehsoos phir bhi na mehsoos

Mera yaqeen bhi hai aor mera qiyas bhi hai

Haseen bahot hein magr mera intekhab hai woh

Keh us ke husn pe batin ka inakas bhi hai

Nadeem us ka karm hai keh us ke dar se mila

Woh ik dard mosalsal jo mujh ko raas bhi hai

tujhe izhaar-e-muhabbat se agar nafrat hai

tujhe izhaar-e-muhabbat se agar nafrat hai
tuu ne honToN ko larazne se to rokaa hotaa

be-niyaazii se, magar kaaNptii aavaaz ke saath
tuu ne ghabraa ke miraa naam na puuchaa hotaa

tere bas meN thii agar mash’al-e-jazbaat kii lau
tere ruKhsaar meN gulzaar na bhaRkaa hotaa

yuN to mujh se huii sirf aab-o-havaa ki baateN
apne TooTe hue fiqroN ko to parkhaa hotaa

yuuNhii be-waj’h ThiThakney ki zaruurat kyaa thii
dam-e-ruKhsat maiN agar yaad na aayaa hotaa

teraa ghammaz banaa khud tiraa andaaz-e-khiraam
dil na sambhlaa, to qadmoN ko sambhaala hota

apne badle miree tasviir nazar aa jaati
tuu ne us vaqt agar aaiinaa dekhaa hotaa

hoaslaa tujh ko na thaa mujh se judaa hone kaa
varnaa kaajal tiree aaNkhoN meN na phailaa hotaa

be Sabab Tu Nahin Thi Teri Yaadein

La’b-e Khaamosh saY afshaa hogaa
Raaz har raNg maiN rusvaa hogaa

dil ke sehraa maiN chalee sard havaa
abr guLzaar paY barsaa hogaa

tum naheeN thaY tau sar-e-baam-e-Khayaal
yaad kaa koi sitaaraa hogaa

kiss tavaqqoh paY kissi ko dekhaiN
koi tum saY bhee haseeN kiya hogaa

zeenat-e-halqa-e-aaGhosh bano
duur baiTho gaY tau charchaa hogaa

zulmat-e-shab maiN bhee sharmaataY ho
dard chamkeY gaa tau phir kiyaa hogaa

jiss bhee funkaar kaa shaahakaar ho tum
uss naY sadiyoN tumhaiN sochaa hogaa

kiss qadar karb saY chaTkee hai kalee
shaaKh saY guL koi TooTaa hogaa

um’r bhar roye faqat iss dhun maiN
raat beeti tau ujaalaa hogaa

saari duniyaa hamaiN pehchaanati hai
koi hum-saa bhee na tanhaa hogaa

Zindagi ke jitney darwazy hain

Zindagi ke jitney darwazy hain, mujh par band hain Dekhna 
Hadd-e-nazar se aagy barh kar dekhna bhi jurm hy Sochna 

Apne aqeedo’N aur yaqeeno’N se nikal kar sochna bhi jurm hy 
“Kyun” bhi kehna jurm hy 

“kese” bhi kehna jurm hy 
Sans lene ke to aazadi muyassar hy……..magar 

Zianda rehny k liay insaan ko…….kuch “aur” bhi darkaar hy 
Aur…….is kuch “aur” bhi ka tazkira bhi jurm hy 

Aey hunar mandaan-e-aaeen-o-sayasat 
Aey khuda vandaan-e-eewan-e-aqaid 

Zindagi ke naam par, bas ik inayat chahiay 
Mujh ko in sary jarayam ke ijazat chahiay

Khuda Karay Ke Meri Arz-e-Pak Per Utray

Khuda Karay Ke Meri Arz-e-Pak Per Utray 

Wo Fasl-e-Gul Jisay Andesha-e-Zawaal Na Ho

Yahan Jo Phool Khilay, Khila Rahay Sadi’on 

Yahan Khizaan Ko Guzarnay Ki Bhi Majaal Na Ho

Yahan Jo Sabza Ugay, Hamesha Sabz Rahay 

Aur Aisa Sabz Ke Jis Ki Koi Misaal Na Ho

Khuda Karay Ke Na Kham Ho Sir-e-Waqar-e-Watan 

Aur Is Ke Husn Ko Tashweesh-e-Mah-o-Saal Na Ho

Her Aik Fard Ho, Tahzeeb-o-Fun Ka Oaj-e-Kamaal 

Koi Malool Na Ho, Koi Khasta Haal Na Ho

Khuda Karay Ke Meray Aik Bhi Hum’Watan Ke Leay 

Hayaat Jurm Na Ho, Zindagi Wabaal Na Ho

Khuda Karay Ke Meri Arz-e-Pak Per Utray 

Wo Fasl-e-Gul Jisay Andesha-e-Zawaal Na Ho

Tujhe izhar-e-Mohabbat Say Agar Nafrat The

Tujhe izhar-e-Mohabbat Say Agar Nafrat Thee,
Tu Nay HonTon Ko Laraznay Say To Roka Hota

Bay Niazi Say Magar Kaanpti Aawaz K Saath
Tu Nay Ghabra K Mera Naam Nah Poocha Hota

Terey Buss Main Thee Agar Mashal-e-jazbaat Ki Lau
Terey Rukhsaar Main Gulzaar Nah BhaRka Hota

Youn To Hwin Mujh Say Buss Aa-o-Hawa Ki Batein
Apnay tootey Huey Fiqron Ko To Parkha Hota

Youn He Bay Wajah He Thaknay Ki Zarurat Kiya Thee
Dam-e-Rukhsat Agar Kuch Yaad Nah Aaya Hota

Tera Ghammaz Bana jo tera Andaz-e-jurm
DiL Nah Sumbhla Tha To Qadmon Ko Sumbhala Hota

Apnay badley Meri Tasveer Nazar aa jati
Tu Nay Us Waqt Agar Ayena Dekha Hota

Hosla Tujh Main Nah Tha Mujh Say juda Honay Ka
Warna[black] Kaajal Teri Aankhon Main Nah Phela Hota

Itna dushwar nahin maut ko taley rakhna

Itna dushwar nahin maut ko taley rakhna
Sar jo kat jaye to dastar sambhaley rakhna

Chot khana, magar is tarah ke lodhey uthey
Zulmat gham isi tarey se ujahely rakhna

Apne ehbaab ko seeney se lagaye phira
Aik khanjar bhi jaib mein daley rakhna

Meri pehchan mere peer-e-hin zakhm se hai
Ab bhi aezaaz sahi shaal do shaley rakhna

Dasht ehsaas ki hiddat bhi kayamat hai nadeem
Kuch zaroori tou nahin paon mein chaley rakhna

Ik sehmi sehmi si aahat hai, ik mehka mehka saya hai

Ik sehmi sehmi si aahat hai, ik mehka mehka saya hai
Ehsaas ki is tanhai mein yeh raat gaye kon aya hai

Aye shaam alam kuch tu hi bata, yeh dhang tujhe kyon bhaya hai
Woh meri khoj mein nikla tha aur tujh ko dhoond ke aya hai

Mein phool samajh ke chun loon ga is bheege se angaaron ko
Ankhon ki ibaadat ka mein ne bss aik yehi phal paya hai

Kuch roz se barpa chaar taraf hain shadi o gham ke hangamey
Sunte hain Chaman ko maali ne phoolon ka kafan pehnaya hai

Har musarat se sargarani hai

Har musarat se sargarani hai
Kya yehi aalim jawani hai

Aa tujhe aik raaz batlaaon
Mein bhi fani hon, Tu bhi fani hai

Na shaaor mein jawani, na khayal mein rawani

Na shaaor mein jawani, na khayal mein rawani
Koi sun ke kya karega meri dukh bhari kahani

Na zawaal nagehani, Na arooj jaawdani
Meri zindagi ka unwan, Fakt aik lafz “Faani”

Yeh shikast ka jahanum kahin phir bharak na uthey
Mere ishq ke khandar par, na karain woh gulfishani

Na gumaan yaar in per, Na jamal e yaar in mein
Tere kokab o kamar se na behel saki jawani

Mujhe aur zindagi de, ke hai dastaan adhoori
Meri maut se na hogi, mere gham ki tarjumani

Mein tujhe ko bhool chuka, Lekin aik umar ke baad

Mein tujhe ko bhool chuka, Lekin aik umar ke baad
Tera kheyal kya tha ke chott ubhar aayi…

Ye Kia Ke Ishq Karoon Paas-e-Aabroo Na Karoon

Ye Kia Ke Ishq Karoon Paas-e-Aabroo Na Karoon
Mein Tujh Ko Kho Ke, Khuda Ki Bhi Justuju Na Karoon

Mein Intezaar-e-Tuluu-e-Seher Mein Jeeta Hun
Mein Apna Chaak-e-Girebaan Kubhi Raffu Na Karoon

TU Sirf Jism Nahi Hai, Waraa-e-Jism Bhi Hai
Mein Tujh Ko Paa Ke Bhi Kiun Teri Aarzoo Na Karoon ?

Gayuur Hun Ke Ijaara Pasand Hun, Kia Hun ?
Mein Tujhe Apnay Khuda Ke Bhi Ruu-Baruu Na Karoon

Ye Mashwaray Tou Mere Tark-e-Shair Ke Hain Nadeem
Ke Jab Bhi Shair Kahoon, Dil Lahoo Lahoo Na Karoon………!

Itna Dushwar Nahi Maut ko Taaley Rakhna

Itna Dushwar Nahi Maut ko Taaley Rakhna
Sar Jo kat Jaaye To Dastaar Sambhale Rakhna,

Chot khana, Magar Is Tarah K Lodhey Uthey
Zulmat Gham Isi Tarey se Ujahely Rakhna

Apne Ahbaab ko Seeney Se Lagaye Phirna
Aik Khanjar Bhi Jaib Mein Daley Rakhna,

Meri Pehchan Mere Peer-e-Hain Zakhm Se Hai
Ab Bhi Aezaaz sahi Shaal Do Shaley Rakhna,

Dasht Ehsaas Ki Hiddat Bhi Kayamat Hai “Nadeem”
Kuch Zaroori To Nahi Paaon Mein Chaley Rakhna

Dil mein hum aik hi jazbe ko samoyen kese,

Dil mein hum aik hi jazbe ko samoyen kese,
Ab tujhe paa ke yeh uljhan hai ke khoye kese,

Zehen chhalni jo kiya hai, to yeh majboori hai,
Jitne kaante hain, woh talwon mein piroyen kese,

Hum ne maana ke bohat dair hai hashar aney tak,
Chaar janib teri aahat ho to soyen kese,

Kitni hasrat thi, tujhe pass bitha ker rotay,
Ab yeh yeh mushkil hai, tere samne roye kese…!

Waqt ik pal ko jo ruk jaye to ehsaan is ka,

Waqt ik pal ko jo ruk jaye to ehsaan is ka,
Chand yaadain mere dil mein se guzarna chahain..

Jo buraayi mere naam se mansoob huyi,

Jo buraayi mere naam se mansoob huyi,
Dosto! kitna bura tha mera acha hona..

Aayina dekh ke, aik aur tamasha dekho,

Aayina dekh ke, aik aur tamasha dekho,
Apne paikar mein mera hussan-e-tamana dekho,

Tum ko khush ayi na shayed meri palkon ki nami,
Dil mein utray ho to aao mera sehraa dekho,

Meri peyas’on, meri aaso’n, meri ankhon mein kabhi,
Mere ban, mere gulistaan, mere daryaa dekho,

Naam le ker mera, tum us ko pukaaro to sahi,
Is bhare sheher mein jis shakhs ko tanha dekho,

Main mohabbat ke safar mein nahin bhatkoon ga kabhi,
Apne qadmon se chamakta hua rasta dekho,

Main agar yaad na aaon, to chaman mein ja kar,
Shaakh ke hath se girta hua pataa dekho..