E-Zindagi hum tujhse pareshaan ho gaye

“E-Zindagi hum tujhse pareshaan ho gaye,
maanga tha jinka saath bas vohi kho gaye.

–Door talaq nigaahon se ab dikhta koi nahin,
manzil kya talaashtey jab raah hi bhool gaye.

E-zindagi hum tujhse pareshaan ho gaye….

–Thaamna chaahte thei jin haathon ko mere haath,

vohi haath mere haathon ko tadapta chhod gaye.

Maanga tha jinka saath bas vohi kho gaye….

–Utaari thi jis sheeshe mein tasveer pyar ki,
beraham waqt-ye waqt usse bhi choor kar gaye.

–Mohabbat nahin khushi koi yeh sazaa hai maut ki,
humko na dekho doston hum toh yun hi mar gaye.

E-zindagi hum tujhse pareshaan ho gaye,
maanga tha jinka saath bas vohi kho gaye.“…