Maan Mujhe neend nahi aati hai

Maan! Mujhe neend nahi aati hai

Ek muddat se mujhe nend nahi aati hai,

Maan! Mujhe loori sunao naa!

Sulaa doo naa!

Maan! Mujhe neend nahi aati hai

Rat-Jagay ab tu muqaddar hain meri palkon ka,

Neend aaye tu liye aati hai Bagdaad ki yaad,

Aankh lagtay he koi beywa utha deti hai

Pait kitna he bharoon bhook nahi mit-ti hai,

Jaltay Basra ki mujhe pyaas jaga deti hai,

Koi Kandhaar ki waadi se bulata hai mujhe,

Zikr Kandooz ka aye tu mujhe lagta hai,

Kaat K sir koi hansta hai, Jalaata hai mujhe,

Bam ki awaazen mujhe kuch nahi kehti hain magar,

Zakhm in bachun K soonay nahi detey hain mujhe,

Maan meri aankhen tu pathar ki hui jaati hain,

Nujawa'n laashay ye ronay nahi detay hain mujhe,,

Meray seenay pe rakho hath,

Rula doo naa mujhe...!

Maan! Mujhe loori sunao naa!

Sulaa doo naa mujhe...!

Maan! Mujhe neend nahi aati hai,

Ek muddat se mujhe neend nahi aati hai.......!