Mujh ko maloom hai tum badal jao gay ja k pardes main

Mujh ko maloom hai tum badal jao gay ja k pardes main,

Chahatoon ki hadoon se nikal jao gay ja k pardes main.

Raakh ho jayegi qurbatoon main mehakti hui zindagi,

Hijar ki aag main tum pigal jao gay ja k pardes main.

Sab ko bhoologay par apne bachon ki jab tumko yaad aaygi,

Khud bhi bachun ki soorat machal jaogay ja k pardes main.

Apni pehchan ko khawahishoon k sumandar main gar kho dia,

Dastaanoon mian phir tum b dhal jao gay ja k pardes main.

Aen mumkin hai jab tum wahan jao tu aur barh jayein dukh,

Kis ne tum se kaha hai behal jao gay ja k pardes main.

Ye bata don tumhen sardiyan Aag barsayengi us jaga,

Sooch lo ab bhi tum, wrna jal jaogay ja k pardes main.

Tum pe yun hath dalein gi tanhayian aik waqt aye ga,

koi aahat b ho gi dehal jao gay ja k pardes mai.