wo janti thi wafa ka ajer nahi hota

wo janti thi wafa ka ajer nahi hota

muhabbaton main sabar ka samar naho hota

wo janti thi

wo janti thi muhabbat dukhon ka sehra hai

jahan sarab c khushiyan hain

or azab se gham

jahan hain pyas judai ki betahasha magar

milan ki barishain hoti hain jis diyar main kam

wo janti thi

wo janti thi muhabbat kheraj mangti hai

wo jis ko dil ka laho de k jagmagaya ho

andhairi raah k liye wo chirag mangti hai

wo janti thi

wo janti thi muhabbat wo rah guzar hai jahan

bichay hain kanch judai k beshumar magar

barhna paa hi inhen paar krna prta hai

ghamon ki dhoop main jab saiban koi na hoo

kisi ki yad ki chadar ko taan kr khud pr

tamam ahen daba kr guzarna prta hai

wo janti thi wafa ka ajer nahi hota

muhabbaton main sabar ka samar nahi hota

hijar ki raah main hoti hai betahasha ghutan

wahan kabhi b hawa ka guzar nahi hota

wo janti thi phir b roug le bethi

kisi k pyar main jane kyun jog le bethi

wo janti thi magar phir b 

wo janti thi magar phir b