Ronay Say Aur Ishq Main Bebaak Ho Gaye,

Ronay Say Aur Ishq Main Bebaak Ho Gaye,
Dhoye Gaye Hum Aise Ki Bas Paak Ho Gaye,

Sarf-E-Baha-E-Mai Hue Aalat-E-Maikashi
The Ye Hi Do Hisaab So Yon Paak Ho Gaye

Rusva-E-Dahar Go Hue Aavargi Se Tum
Baare Tabiyaton Ke To Chalaak Ho Gaye

Kehta Hai Kaun Nalaa-E-Bulbul Ko Be-asar
Parde Main Gul Ke Laakh Jigar Chaak Ho Gaye

Pooche Hai Kya Wajood-O-Adam Ahl-E-Shauq Ka
Aap Apni Aag Se Khas-O-Khaashak Ho Gaye

Karne Gaye The Us Se Tagaaful Ka Ham Gila
Ki Ek Hi Nigaah Ki Bas Khaak Ho Gaye

Is Rang Se Uthai Kal Us Ne 'Asad' Ki Naash
Dushman Bhi Jis Ko Dekh Ke Gamnaak Ho Gaye ...