Usse Keh Do K Wo Mera Hai Begana Ho Nahi Sakta

Usse Keh Do K Wo Mera Hai Begana Ho Nahi Sakta 
Bohat Nayab Hai Us Jaisa Zamana Ho Nahi Sakta

Tumhare Sath Jo Guzra Wo Mousam Yaad Aata Hai 
Tumhare Baad Koi Mousam Suhana Ho Nahi Sakta 

Chupane Se Nahi Chupta Dikhawe Se Nahi Dikhta 
Ye Atish-e-Ishq Hai Is Main Bahana Ho Nahi Sakta 

Tu Dil Pe Naqsh Ho Jaye Nigahon Me Sama Jaye 
K Is Dil Main Kisi Ka Phir Se Aana Ho Nahi Sakta

Bohat Hain Chahne Wale Tere Ae Jan-e-jaan Magar 
Ye Yaad Rakh K Hum Sa Dewana Ho Nahi Sakta