Aik sapna haseen tar dekha

Aik sapna hasee’n tar dekha
Ye jaha’n dil nashee’n tar dekha

Chand hum ney zameen per paya tha
Khod ko arsh-e-bare’n pey paya tha

Wo haqeqat tha aik sapna sa
Ghair ho key bhi apna apna sa

Is ka lehja tha dhema dhema sa
Ankh’on ankh’on mein baat kehta tha

Is ki ankh’ein bhi khawab jesi thi’ein
Khob sorat sarab jesi thi’ein

Wo wafa ka yakee’n delata raha
Wadey karta raha, bhulata raha

Phir achanak pata chala hum ko
Hum sey kuch wasta nahi us ko

Hum ney bhanwrey ko jana perwana
Ye to tha us ka mashgala, jana

You’n wo ankh’on mein bo gaya gham ko
Aik pachtawa dey gaya hum ko