buhat mila na mila zindagi se gam kya hai
mata-e-dard baham hai to besh-o-kam kya hai
ham ek umr se waqif hain ab na samjhao
k lutf kya hai mere meharban sitam kya hai
kare na jag main alaw to sher kis maqsad
kare na shahar main jal-thal to chashm-e-nam kya hai
ajal k hath koi a raha hai parwana
na jane aj k fehrist main raqam kya hai
sajao bazm gazal gao jam taza karo
buhat sahi gam-e-geti sharab kam kya hai
lihaz main koi kuch dur sath chalta hai
wagarna dahar main ab khizr ka bharam kya hai
No comments:
Post a Comment