Ye Kon Ghazal Khawan Hai

Ye Kon Ghazal Khawan Hai, Pursouz-o-Nishat Angaiz

Andesha’ay Dana Ko Karta Hai Junoon Amaiz

Gau Faqr Bhi Rakhta Hai Andaz-e-Mulookana

Na-Pukhta Hai Pervaizi Be-Saltanat-e-Pervaiz

Ab Hujra’ay Sufi Mein Woh Faqr Nahin Baqi

Khoon-e-Dil-e-Shairan Ho Jis Faqr Ki Dastavaiz

Ae Halqa’ay Darveshan! Who Mard-e-Khuda Kaisa

Ho Jis Ke Gireeban Mein Hangama’ay Rastakhaiz

Jo Zakr Ki Garmi Se Shaule Ki Tarah Roshan

Jo Fikar Ki Sura’at Mein Bajli Se Zaida Taez !

Karti Hai Mulookiat Asaar-e-Junoon Paida

Allah Ke Nashtar Hain Taimoor Ho Ya Changaiz

Yun Dad-e-Sukhan Mujh Ko Dete Hain Iraq-o-Paras

Ye Kafir-e-Hindi Hai Be Taeg-o-Sanaan Khoonraiz