Aay umer-e-rawan aa pass merey

Aay umer-e-rawan aa pass merey 
Ik raz ki baat batani hai
Ik khwab sunana hai tujh ko….ik tees si dil k ander hai 
Ik rang dekhana hai tujh ko 

Aay umer-e-rawan… aa pass merey…. 
Ye neem shabi ki khamoshi 
Ye neend ki palken bojhal si 
Ye parda-e-der Ye zehar nazer 

Ik khof sa zehan-o-dil main hai 
Tanhai meri chupkey say kahay 
Aay umer-e-rawan… aa pass merey 
Tujh say tu faqat kehna hay mujhey 

Raftar ko apni dheema rakh 
Milnay ki gharri jo thehri hai 
Do char sadi ya ab k bars 
Eik Shakhs Say Milna Hai Mujh Ko
Aay umer-e-rawan ….!!!