Guzarte lamhon ka raasta

hawa nazar ke tahee dareechon main
jaanay walay ko dhoondti hay
gull-e-tamasha janay kab aur kahan say phootay
har ek manzir pe uss ki khusbu ne

hairatoon kay alam garray hain
talash rastay buhut karray hain
kahin say shams-e-muraad ubhray to
sehr shabb-e-haaey kehr tootay

bikhartay khuwaboon ka saath chootay
guzartay lamhon ka raasta bhi ajeeb jaadu ka silsila hay
ke main kharra hoon, pe chal raha hay
kahin woh ghoogha keh baat mushkil

kahin woh chup keh hayaat mushkil
kahin woh aalam ke saans atkay
kahin hawa say nijaa’t mushkil
har aik saaey main uss ka paikar ajeeb jaadu jaga raha hay

ussi ki khushbu her ek manzar ki zindagi hay
ke jis ki furqat kay sard waqfay nay aarzu kay jahaan lootay
gull-e-tamasha janay kab aur kahan say phoottay
hawa nazar kay tahee dareechon main jaanay walay ko dhoondti hay