Itna Na Sata Dekh Mujhe Gardish.e.Dooraan

Itna Na Sata Dekh Mujhe Gardish.e.Dooraan !!
Kamzoor Hoon, Shaaista.e.Aalaam Nahin Hoon

Mazhab Hay Mera Ishq To Maslak Hai Mohabbat
Is Baab Main To Mourd.e.Ilzaam Nahin Hoon

Din Raat Jo Hain Mujh Pe Inayaat Musalsal

Itna Tou Bura Ae Ghum.e.Ayaam Nahin Hoon

Her Ashk Chiraag.e.Shub.e.Umeed Hai Mera
Jo Raah Takey Subha Ki, Wo Sham Nahin Hoon

Aadaab.E.Mohabbat Se Hoon Waqif Main Yaqeenan
Haan Ye Hai Ke Paband.e.Raah.e.Aam Nahin Hoon

Kiya Choor Doon Duniya Ke Liye Goosha Nasheeni?
Sadd Shuker Hai Sarver, Ke Main Khud Kalaam Nahin Hoon