jab kabhi khud ko yeh samjhao’N, keh tu mera nahe
mujh mein koi cheekh uthta hy, nahe, aesa nahe
kab nikalta hy koi, dil mein utar jaany ke baad
iss gali ke doosri jaanib, koi rastaa nahe
tum samajhty ho, bichar jany se mitt jata hy ishq
tum ko iss daria ke gehraai ka andaza nahe
yoo’N tarashoo’N ga ghazal mein, tery paikar ke nuqoosh
wo bhi dekhy ga tujhy, jis ne tujhy dekha nahe
unn sy mil kar bhi kahan mitt ta hy, dil ka iztaraab
ishq ke deewaar ke dono taraf, saya nahe
No comments:
Post a Comment