Mai baarishon mai jo yaad aaoon

Mai baarishon mai jo yaad aaoon
to soch laina

keh iss ki boondon mai mairay ashkon nay ghar kiya hay
safar kiya hay……asar kiya hay

mai baarishon mai jo yaad aaoon
to soch laina

keh bheegay mausam nay maira aanchal bhigo diya hay
thaa dard-e-hijraaN barra hi qaatil

woh meray dil mai sumo diya hay
tumharay waadon ka tha mehal jo,

thi uss ki bunyaad paaniyon per
yehi sabab hay keh taiz lehroN nay uss ko aakhir,

dubo diya hay
mai baarishon mai jo yaad aaoon,

to soch laina