maiN ye soch kar us ke dar se uThaa thaa
ke vo rok legii manaa legii mujhko
havaaoN meN lahraataa aataa thaa daaman
ke daaman pakaR kar biThaa legii mujhko
qadam aise andaaz se uTh rahe the
ke aavaaz de kar bulaa legii mujh ko
magar us ne rokaa, na uss ne manayaa
na daaman hii pakRaa, na mujh ko biThaayaa
na aavaaz hii dii, na vaapis bulaayaa
maiN aahistaa aahistaa baRhtaa hii aayaa
yahaaN tak ke us se judaa ho gayaa maiN
No comments:
Post a Comment