Thursday 9 October 2014

Bichra hai jo ek baar to miltay nahi dekha

Bichra hai jo ek baar to miltay nahi dekha
is zakhm ko hum ne kabhi siltay nahi dekha
ik baar jisay chaat gaye dhoop ki khwahish
phir shaakh pay is phool ko khiltay nahi dekha
yak lakht gira hai to jarein tak nikal aayein
jis pairh ko aandhi main bhi hiltay nahi dekha
kanton main giray phool ko choomein ge laikin
titli ke paron ko kabhi chiltay nahi dekha
kis tarah mere rooh harri kar gaya aakhir
woh zehar jissay jism main khultay nahi dekha
Posted by at
Labels: , ,

No comments:

Post a Comment

Subscribe to: Post Comments (Atom)