Tumhara Khat Mila Jaana

Tumhara Khat Mila Jaana
Wo Jis Mein Tum Ne Poocha Hai
Ke Ab Haalaat Kesay Hain?
Meray Din Raat Kesay Hain?

Meherbaani Tumhari Hai
Ke Tum Ne Is Tarah Mujh Se
Meray Haalaat poochay Hain
Meray Din Raat Poochay Hain
Tumhain Sab Kuch Bata Doon Ga

Tumhain Sab Kuch Bata Doon Ga
Mujhay Itna Batao Ke
Kabhi Saagar Kinaray Par
Kisi Machhli Ko Dekha Hai
Ke Jisko Lehrein Paani Ki
Kinaray Tak To Laati Hain
Magar Phir Chhor Jaati Hain

Meray Haalaat Aisay Hain
Meray Din Raat Aisay Hain.