Abhi kuch aor karishmy ghazal ky dekhty hein
‘Faraz’ ab zara lehja badal ky dekhty hein
Judaiyan to muqadar hein phir bhi jan-e-safr
Kuch aor dur zara sath chal ky dekhty hein
Rah-e-wafa mein herif kharaam koi to ho
So apny aap sy agy nikal ky dekhty hein
Tu samny hai to phir keon yaqin nahi ata
Yeh bar bar jo ankhon ko mal ky dekhty hein
Yeh kon log hein moujod teri mehfil mein
Jo lalichon sy tujhy mujh ko jal ky dekhty hein
Yeh qurb kya hai keh yakjan hoey na door rahy
Hazar aik hi qalib mein dhal ky dekhty hein
Na tujh ko maat hoi hai na mujh ko maat hoi
So ab ky dono hi chalen badal ky dekhty hein
Yeh kon hai sar-e-sahil ky dobny waly
Samandaron ki tehon sy uchhal ky dekhty hein
Abhi talk to na kundan hoey na rakh hoey
Hum apni aag mein har roz jal ky dekhty hein
Bahot dinon sy nahi hai kuch us ki kher khabr
Chalo ‘Faraz’ ko ay yar chal ky dekhty hein
No comments:
Post a Comment