Eik Masoom Takaddus Mein

Eik masoom takaddus mein bhigoya huwa lams. 
Kitna pakeeza hai ehsas mein dhoya huwa lams. 

Ye tere jism ki khushboo ka sonehra ehsas; 
Jis terha chand ke haaley mein paroya huwa lams. 

Us ke hontoon ko main chhu loon to guman hota hai; 
Jese janat ke gulaboon mein daboya huwa lams. 

Jo meri rouh mein utrey he chale jate ho; 
Ik nae rang mein ubhrey ga ye boya huwa lams. 

Bhegi khusboo mein basa wasl mein bhega bhega; 
Kitna masoom hai pehlo mein ye soya huwa lams. 

Tishnagi aan basi hai meri pooroon mein 'Wasi'; 
Dhondta phirta hoon mudat se main khoya huwa lams.