Apne ehsaas se choo kr mujhe sandal krdo

Apne ehsaas se choo kr mujhe sandal krdo,

Main k sadiyon se adhoora hun mukammal krdo.

Na tumhe hosh rahe or na mujhe hosh rahe,

Is qadar toot k chaho, mujhe pagal krdo.

Tum hatheli ko merey pyar ki mehendi se rango,

Apni aankhon main mere naam ka kajal krdo.

Is k saye main mere khuwab dhak uthenge,

Mere chehre pe chamakta hua aa'nchal krdo.

Dhoop he dhoop hun main, toot k barso mujh pr,

Is qadr brso meri rooh main jhal thal krdo.

Jese sehraon main hr shaam hawa chalti hai,

Is tarhan mujh main chalo mujhe thal krdo.

Tum chupalo mera dil aout main apne dil ki,

Or mujhe meri nigahon se b oojhal krdo.

Masla hun tu nigahen na churao mujh se,

Apni chahat se, tawajja se mujhe hal krdo.

Apne gham se kaho hr waqt mere sath rahe,

Ek ahsaan kro isko musalsal krdo.

Mujhpe cha jao kisi aag ki soorat Jana'n,

Aur meri zaat ko sookha hua jangal krdo.