Kahin miley to us sey yeh kehna …

Kahin miley to us sey yeh kehna …

K tanha savan bita chooka hoon

Main sare armaan jala chooka hoon

Jo sholey bherkey they khavahishon k

Wo ansoo‘oun se bhujha choka hoon

Kahin miley to us sey yeh kehna …

Baghair us k udaas hoon main

Badalti rut ka kiyas hoon main

Bujha de apni muhabbatoon se

Sulagti sadion ki piyaas hoon main

Kahin miley to us sey yeh kehna …

Wo jazbey mere uchaal gia hey

Jafaa k sanchey mai dhal gia hey

Na badley mousam b itna jaldi

Wo jitna jaldi badal gaya hey

Kahin miley to us sey yeh kehna …

Main chaak daman ko see raha hoon

Bohat hi mushkil main jee raha hoon

Diya jo nafrat ka zehar usney

Samaj k amrat wo pee raha hoon

Kahin milay to us sey yeh kehna …

Faseelay nafrat gira raha hoon

Gaye dinon ko bhula raha hoon

Wo apney wadon sey phir gaya hey

Main apney waadey nibah raha hoon

Kahin milay to us sey yeh kehna …

Yeh kesi uljan main jee raha hoon

Main apney saiy se dar raha hoon

Jo ho sakey to samait ley wo

Main tinka tinka bikhar raha hoon

Kahin milay to us sey yeh kehna …

Na dil main koi malal rakhay

Hameshaa apna khial rakhay

Wo saray gham apnay mujko de day

Tamam khushian wo sambaal rakhay

Kahin milay to us sey yeh kehna

KAHIN MILEY TO US SEY YEH KEHNA …