Kash main teray haseen hath ka kangan hota

Kash main teray haseen hath ka kangan hota

Tu baray piyar say chao say baray man kay sath

Apni nazuk see kalaee main charhati mujh ko

Aor betaby say furqat kay khiza lamhon main

Aur kisi soch main dobi jo ghumati mujh ko

Main teray hath ki khushbu say mehak sa jata

jab kabhi mood main akar mujhay chuma karti

teray honton ki main hiddat say dehak sa jata

raat ko jab bhi tu neendh kay safar pay jati

marmarin hath ka eik takiya banaya karti

main teray kaan say lag kar kaii batain karta

teri zulfon ko teray gaal ko chumaa karta

mujh ko betab sa rakhta tery chahat ka nasha

main tery roh kay gulshan main mehakta rehta

main teray jism kay angan main khanakta rehta

kuch nahin tu yehi benam sa bandhan hota

kaash main teray haseen hath ka kangan hota...