Meri Khushi Ki Khatir Khud Ko Sanbhal Rkhna

Meri Khushi Ki Khatir Khud Ko Sanbhal Rkhna
Us Ne Kaha Tha Mujh Se zayda Apna Khayal Rakhna

Ye B Kaha Tha Us Ne Har Khuwab Aarzi Hai
Tum B Zehan Mein Apne Harf-E-Zawal Rakhna

Wo Keh Raha Tha Shayed Kuch Na Bata Sakon Main
Mere Samne Na Tum B Koi Sawal Rakhna

Wo Hans K Keh Raha Tha Gham B Tumhen Milen Ge
Lekin Na Hosla Tum Apna Nidhaal Rakhna

Har Baat Ka Taqaza Mujh Se Jo Kar Raha Tha
Kya Us Ka Haq Nahi Tha Mera Khayal Rakhna…