Teray maathay ko nai subah ka jhoomar day ker

Teray maathay ko nai subah ka jhoomar day ker
May andhero’n main utar jao’n ga tujhay ghar day kr

Tujh ko maloom nahi sadeeoo’n tujhay pooja hai
Main nay is dil main tere yaad ko payker day ker

Ab yeh kehtay ho kay ronay ke ijazaat bhe nahi
Mere aankhoon ko tammana ka samandar day ker

Yeh aata kam to nahi hai kay wo dayta bhe to hai
Mujh ko mehroom bhe kerta hai to aksar day ker

Wo is payas kay sehra main tujhay choor gaya hai
Sar pay suraj ke dehaktee hoi chadar day ker

Hum nay ‘javed’ rewayat ka bharam rakhtay hoay
Tashnagee aaj khareede hai samander day ker