Azad Ki Rag Sakht Hai Manind Rag-E-Sang

Azad Ki Rag Sakht Hai Manind Rag-E-Sang

Mehkoom Ki Rag Naram Hai Manind-E-Rag-E-Taak

Mehkoom Ka Dil Murda-O-Afsurda-O-No Meed

Azad Ka Dil Zinda-O-Pursoz-O-Tarab Naak

Azad Ki Doulat-E-Dil Roshan, Nafs-E-Garam

Mehkoom Ka Sarmaya Faqt Didah’ay Namnaak

Mehkoom Hai Begana’ay Ikhlas-O-Marawwat

Har Chand K Mantaq Ki Daleelon Mein Hai Chalaak

Mumkin Nahin Mehkoom Ho Azad Ka Hamdosh

Woh Banda’ay Aflak Hai, Ye Khawajah’ay Aflak