Abdur Rehman Awal Ka Boya Huwa Khajoor Ka Pehla Darakht Sarzameen-e-Andlus Mein

Meri Ankhon Ka Noor Hai Tu

Mere Dil Ka Suroor Hai Tu

Apni Wadi Se Door Hun Main

Mere Liye Nakhl-e-Toor Hai Tu

Maghrib Ki Hawa Ne Tujh Ko Pala

Sehra-e-Arab Ki Hoor Hai Tu

Pardais Mein Na-Saboor Hun Main

Pardais Mein Na-Saboor Hai Tu

Ghurbat Ki Hawa Mein Bar-War Ho

Saqi Tera Nam-e-Sehar Ho

Alam Ka Ajeeb Hai Nazara

Damaan-e-Nigah Hai Para Para

Himmat Ko Shanawari Mubarik!

Paida Nahin Behar Ka Kinara

Hai Souz-e-Daroon Se Zindagaani

Uthta Nahin Khaak Se Sharara

Subah-e-Ghurbat Mein Aur Chamka

Toota Huwa Shaam Ka Sitara

Momin Ke Jahan Ki Had Nahin Hai

Momin Ka Maqam Har Kahin Hai