Dua

Hai Yehi Meri Namaz, Hai Yehi Mera Wazu

Meri Nawaon Mein Hai Mere Jigar Ka Lahoo

Sohbat-e-Ahl-e-Safa, Noor-o-Huzoor-o-Suroor

Sur Khush-o-Pursouz Hai Lala Lab-e-Abjoo

Rah-e-Mohabbat Mein Hai Kon Kisi Ka Rafeeq

Sath Mere Reh Gyi Aik Meri Arzoo

Mera Nasheeman Nahin Dargah-e-Meer-o-Wazeer

Mera Nasheman  Bhi Tu, Shakh-e-Nasheman Bhi Tu

Tujh Se Greban Mera Matla-e-Subah-e-Nashoor

Tujh Se Mere Seene Mein Atish-e-‘Allah Hoo’

Tujh Se Meri Zindagi Souz-o-Tab-o-Dard-o-Dagh

Tu Hi Meri Arzoo, Tu Hi Meri Justujoo

Pas Agar Tu Nahin, Shehar Hai Weeran Tamam

Tu Hai To Abad Hain Ujhre Huwe Kakh-o-Koo

Phir Woh Sharab-e-Kuhan Mujh Ko Ata Kar Ke Main

Dhoond Raha Hun Usse, Torh Ke Jaam-o-Saboo

Chashm-e-Karam Saqiya! Dair Se Hain Mutazir

Jalwaton Ke Saboo, Khalwaton Ke Kidoo

Teri Khudai Se Hai Mere Junoon Ko Gilla

Apne Liye La-Makan, Mere Liye Char Soo!

Falsafa-o-Shair Ki Aur Haqiqat Hai Kya

Harf-e-Tamana, Jise Keh Na Sakain Roo-Ba-Roo