Farman-e-Khuda (Farishton Se)

Utho! Meri Dunya Ke Ghareebo Ko Jaga Do

Kakh-e-Umra Ke Dar-o-Diwar Hila Do

Garmao Ghulamon Ka Lahoo Souz-e-Yaqeen Se

Kunjishik-e-Firomaya Ko Shaheen Se Lara Do

Sultani Jamhoor Ka Ata Hai Zamana

Jo Naqsh-e-Kuhan Tum Ko Nazar Aye, Mita Do

Jis Khait Se Dehqan Ko Mayassar Nahin Rozi

Uss Khait Ke Har Khausha-e-Gandum Ko Jala Do

Kyun Khaliq-o-Makhlooq  Mein Hayal Rahain Parde

Peeran-e-Kalisa Ko Kalisa Se Utha Do

Haq Ra Ba-Sujoode, Sanamaan Ra Ba-Tawafe

Behter Hai Charagh-e-Haram-o-Dair Bujha Do

Main Na Khush-o-Bezar Hun Mar Mar Ki Silon Se

Mere Liye Mitti Ka Haram Aur Bana Do

Tehzeeb-e-Nawi Kargah-e-Shisha Garan Hai

Adaab-e-Junoon Shayar-e-Mashriq Ko Sikha Do!