Ishq-o-Mout

Suhani Namood-e-Jahan Ki Ghari Thi

Tabassum Fishan Zindagi Ki Kali Thi

Kahin Mehr Ko Taj-e-Zar Mil Raha Tha

Atta Chand Ko Chandani Ho Rahi Thi

Siyah-e-Pairhan Sham Ko De Rahe The

Sitaron Ko Taleem-e-Tabindagi Thi

Kahin Shakh-e-Hasti Ko Lagte The Patte

Kahin Zindagi Ki Kali Phootti Thi

Farishte Sikhate The Shabnam Ko Rona

Hansi Gul Ko Pehle Pehal Aa Rahi Thi

Atta Dard Hota Tha Shayar Ke Dil Ko

Khudi Tashna Kaam-e-Mai-e-Bekhudi Thi

Uthi Awwal Awwal Ghata Kali Kali

Koi Hoor Choti Ko Khole Khari Thi

Zameen Ko Tha Dawa Ke Main Asman Hun

Makan Keh Raha Tha Ke Main La-Makan Hun

Gharz Iss Qadar Ye Nazara Tha Pyara

Ke Nazaragi Ho Sarapa Nazara

Malak Azmate The Parwaz Apni

Jabeenon Se Noor-e-Azal Ashakara

Farishta Tha Ek, Ishq Tha Naam Jis Ka

Ke Thi Rahbari Uss Ki Sub Ka Sahara

Farishta Ke Putla Tha Be Tabiyon Ka

Malak Ka Malak Aur Pare Ka Para

Pay-e-Sair Fardous Ko Ja Raha Tha

Qaza Se Mila Rah Mein Woh Qaza Ra

Ye Pucha Tera Naam Kya, Kaam Kya Hai

Nahin Ankh Ko Deed Teri Gawara

Huwa Sun Ke Goya Qaza Ka Farishta

Ajal Hun, Mera Kaam Hai Ashkara

Urati Hun, Main Rakht-e-Hasti Ke Purze

Bujhati Hun Main Zindagi Ka Sharara.

Meri Ankh Mein Jadoo-e-Neesti Hai

Paya-e-Fana Hai Issi Ka Ishara

Magar Aik Hasti Hai Dunya Mein Aesi

Woh Atish Hai Main Samne Uss Ke Para

Sharar Ban Ke Rehti Hai Insan Ke Dil Mein

Woh Hai Noor-e-Mutliq Ki Ankhon Ka Tara

Tapakti Hai Ankhon Se Ban Ban Ke Ansu

Woh Ansu Ke  Ho Jin Ki Talkhi Gawara

Suni Ishq Ne Guftugoo Jab Qaza Ki

Hansi Uss Ke Lab Par Huwi Ashkara

Giri Uss Tabassum Ki Bijli Ajal Par

Andhere Ka Ho Noor Mein Kya Guzara

Baqa Ko Jo Dekha Fana Ho Gyi Woh

Qaza Thi, Shakar-e-Qaza Ho Gyi Woh