Jagaa Sakay Na Tere Lub, Lakeer Aisi Thi

Jagaa Sakey Na Terey Lub, Lakeer Aisi Thi
Humarey Bakht Ki Raikha Bhi, Meer Aisi Thi

Ye Haath Chomey Gaye, Phir Bhi Be-Gulaab Rahey
Jo Rutt Bhi Aai Khizaan K Safeer Aisi Thi

Wo Merey Paon Ko Choney Jhuka Tha Jis Lamhey
Jo Mangta Usey Deti, Ameer Aisi Thi

Shahadatain Merey Huq Main Tamam Jaati Theen
Magar Khamosh They Munsif, Nazeer Aisi Thi

Kutar K Jaal Bhi Sayyad Ki Raza Ke Baghair
Tamaam Umar Na Urti, Aseer Aisi Thi

Phir Us Ke Baad Na Dekhey Visaal Ke Mausam
Judaiyon Ki Ghari Chashm Geer Aisi Thi

Bas Ik Nigah Mujhe Dekhta, Chala Jata
Us Aadmi Ki Mohabbat Faqeer Aisi thi

Rida K Saath Luterey Ko Zaad-e-Raah Diya
Teri Firagh Dili, Merey Veer Aisi Thi 

Kabhi Na Chahney Walon Ka Khoon Baha Manga
Nigaar-e-Sheher-e-Sukhan Be-Zameer Aisi Th