نی عشق دے پچھے نہ پو سسیئے

نی عشق دے پچھے نہ پو سسیئے
نی تو چھڈ دے عشق دا کھیڑا
نی بالاں وانگر ضد نہ کر تو
عشق دا راہ اے بھیڑا
سخر دپہراں وا ورولے
تے مارو تھل دے پینڈے
بری نظامی کیہن سیانے
عشق دا روگ اویڑا

نی اوٹھاں والے ٹر جان گے
فیر لبھدی پھریں گی ہانی
سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

پیر پیر تے پین بھلیکھے
اے ہے عشق دوارا
تو الہڑ مٹیار ایانیں
تیرا روپ کوارا
نی پھلاں جئے مکھڑے تے
کتے سخر دوپہر نہ تانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

وچ چناں دے سوہنی ڈب گئی
رات کباباں والی
تیرے نال وی انج نہ ہووے
رات شراباں والی
نی ویلا گیا ہتھہ نہ آوے
توں ویلا آپ پچھانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

عشق دی راہوں کھنجے جیہڑے
پیندے لمیاں واٹاں
مرن تیک نہ مگروں لہندیاں
عشق دیاں اے چاٹان
نی چھم چھم بدلاں وانگوں
کتے اکھیاں چوں وس پئے ناں پانیں
نی سسیئے جاگدی رہئیں
رات اج دی نیند نہ مانیں
نی اوٹھاں والے ٹر جان گے

کل ٻلائیں جنڳل دیاں
آ لاش سسی تے ڳیاں
ݙیکھ تے لاش سسی دی نوں
حیران کھلوتیاں رئیاں
سسسی آکھیا بیشک کھاؤ میکوں
میں تاں دعوت ݙیندی پئیاں
پر ݙو اکھیاں میݙیاں محفوظ رکھائے
راہ کیچ دا ݙیہدیاں پئیاں

نی اوٹھاں والے ٹر جان گے
نی اوٹھاں والے ٹر جان گے