Eik Din tO Aaye Mera KHUDA Meray Saamney

Inkaar Kya Karey Gii Hawa Meray Saamney

Ghar Ka Har Eik Chiraagh bUjha Meray Saamney

Yaad Aa Na Jaaye MaQtal e Yaraa’n Kii Raat Phir

Naizey Pey kOii Sar Na Saja Meray Saamney

Us Key KhalOos Mein Bhi ZarOorat Ka Rang Tha

Wo Dey Rha Tha mUjh Ko dUa Meray Saamney

mUjh Sey BiChar Key Khat Mein Likhi Us Ney Dil Ki Baat

kyOn Us Ko HOsla Na hUa Meray Saamney

Meray LahOo Sey Tera Libaada Bhi Tarr hUa

Ab Mera Soaq tOo Na Manna Meray Saamney

Dil Par hAi NaQsh Lutf e Azeezaan Ka SilSila

Sab Pey Karam wO Meray Siwa Meray Saamney

wO jhOot Hii Sahii mUjhey yOn Bhi Aziz hAi

Kehna Tha jO Bhi Us Ney Kaha Meray Saamney

Jaisey Mein AaShnaaye Chaman Hii Na Tha Kabhii

gUzrii hAi yOn Bhii Aaj Saba Meray Saamney

wO Lamha e NazOol e Qyamat Sahii Magar

Eik Din tO Aaye Mera KHUDA Meray Saamney

Kal Tak jO Aaiyenay Sey Bhi Naazuk Mazaaj Tha

“Mohsin” wO Shakhs tOot Gya Meray Saamney