jo us kii yaad aatii hai to kyon mehsoos kartay ho

jo us kii yaad aatii hai to kyon mehsoos kartay ho ?
muhabbat ab satatii hai to kyon mehsoos kartay ho ?

tum un logon say hat kar bhi to zinda reh nahi saktay
yeh duniya dil dukhaati hai to kyon mehsoos kartay ho ?

barastay hain jo badal to utar jata hai bujh un ka
tumhien khwaahish rulaatii hai to kyon mehsoos kartay ho ?

wohii chashm e tasawar hai wohii hai dil ki halet bhii
wo soorat hashr uthaati hai to kyon mehsoos kartay ho ?

kaha tha kis nay rakho tum sunehray khwaab aankhon mein
aseer e neend urtii hai to kyon mehsoos kartay ho ?

usii say miltii jultii hain adaaien sab balaaon kii
hawa pagal banatii hai to kyon mehsoos kartay ho ?

jisay tum chand kehtay thay wohi hai aankh mein roshan
agar shab jagmagatii hai to kyon mehsoos kartay ho ?