Kis darja haseen tha mere mahol ka gham bhi
mein bhool gaya aapka ka andaaz-e-sitam bhi,
ek lamha to dam leney de aghosh-e-sukoon mai
aye gardish-e-haalat kisi morr per tham bhi,
palkon pey sajaye huye zakhmon ke nageeney
guzren ge kisi roz tere sheher se hum bhi,
kyun dard ki qandeel jalaye koi dil main
haalaat ki talkhi to ziada bhi hai kam bhi,
manzar to zara dekhiye ruswayi-e-fan ka
bikne lagey bazaar main arbab-e-qalam bhi,
kuch dair to phoota hai lahoo meri jabeen se
kuch dair to chamke ga tera sang-e-haram bhi,
ek umar jisey zehen ne pooja hai beher tour
mohsin wo sitam kesh khuda bhi hai sanam bhi..
No comments:
Post a Comment