Meri teri nigaah mey jo laakh intezaar heiN

Meri teri nigaah mey jo laakh intezaar heiN
Jo merey terey tann badann mey laakh dil figaar heiN

Jo meri teri ungliyoN ki behisi sey sab qalam nazaar heiN
Jo merey terey shehar ki har ik gali mey

Merey terey naqsh-e-paa ke be-nishaaN mazaar heiN
Jo meri teri raat key sitaare zakhm zakhm heiN

Jo meri teri subah key gulaab chaak chaak haiN
Ye zakhm saarey be-dawaa… ye chaak saarey be-rafuu

Kisi pey raakh chaand ki… kisi pey oas ka lahuu
Ye heiN bhi yaa nahiN.. bataa

Ye hai ki mehaz jaal hai??
Merey tumhaarey ankabuut-e-weham kaa bunaa huaa

Jo hai to iss kaa kyaa kareN
NahiN hai to bhi kyaa kareN

Bataa bataa… bataa bataa