Na Ghubaar meyN na gulaab meyN mujhe dekhnaa
mere dard kii aab-o-tab meyN mujhe dekhnaa
kisii waqt shaam malaal meyN mujhe sochnaa
kabhii apne dil kii kitaab meyN mujhe dekhnaa
kisii dhun meyN tum bhii jo bastiyoN ko tyaag do
isii rah-e-KhaanaaKharaab meyN mujhe dekhnaa
kisii raat maah-o-najuum se mujhe puuchhnaa
kabhii apanii chashm puraab meyN mujhe dekhnaa
isii dil se ho kar guzar gaey kaii kaarvaaN
kii hijartoN ke zaab meyN mujhe dekhnaa
mayN na mil sakuuN bhii to kyaa huaa ke fasaanaa huuN
naii daastaaN naye baab meyN mujhe dekhanaa
mere Khaar Khaar savaal meyN mujhe DhuuNDhnaa
mere giit meyN mere Khwaab meyN mujhe dekhnaa
mere aaNsuuoN ne bujhaaii thii merii tashnagii
isii barg_ziidaa sahaab meyN mujhe dekhnaa
wohii ik lamhaa diid thaa ke rukaa rahaa
mere roz-o-shab ke hisaab meyN mujhe dekhnaa
jo tarDap tujhe kisii aaiine meyN na mil sakey
to phir aaiiney ke jawaab meyN mujhe dekhanaa
No comments:
Post a Comment