Na hareef-e-jaaN na shareek-e-ghamm

Na hareef-e-jaaN… na shareek-e-ghamm
Shab-e-intezaar… koi tow ho
Kissey bazm-e-shauq mey laayeN humm…
Dil-e-beqaraar, koi tow ho
Kissey zindagi hai azeez abb!,
Kissey aarzoo-e-shab-e-tarabb
Magar aye nigar-e-wafa-talabb… 
Teraa aitebaar, koi tow ho

KahiN taar-e-daaman-e-gul mileyN,
Tow yeh maan leyN key chamann khiley
Key nishaan fasl-e-bahaar kaa…
Sar-e-shaakhsaar, koi tow ho

Yeh udaas udaas sey baam-o-darr,
Yeh ujaardh ujaardh see rah-guzarr
Chalo humm nahiN, naa sahi magarr… 
Sar-e-kuey yaar koi tow ho

Yeh sukoon-e-jaan ki ghari dhaley,
Tow charaagh-e-dil hee naa bujh chaley
Woh balaa sey so ghamm-e-ishq yaa….
Ghame-roosgaar, koi tow ho

Naa hareef-e-jaaN… naa shareek-e-ghamm