ShidataiN ishq ki mairaj hoa kerti haiN

Bay tahasha tujhay yaad kia
Or bhulaya bhi bohot hai tujh ko

Sari ronaq hi teray dam say hai
Or teray bikhray hoay ghum say hai

Jis qader main nay ta’luq tera mehsoos kia
Itni gehrai to roohooN main hoa kerti hai

Jis qader main nay teri zaat ko khud main paya
Itni yaktai kahan miltii hai

Faslay woq’ataiN kho baithay hain
DooriyaaN pheeki pareeN

Itni shid’at say tujhay soocha hai
Itni shid’at say tujhay chaha hai

Shid’ataiN ishq ki mairaj hoa kerti haiN