Socha Tha Kabhi Hum Nay

Socha Tha Kabhi Hum Nay
Milkar Yonhii Likhien Gey
Kuch Lafz Muhabbat Kay
Kuch Baatien Puranii Jo

Hum Dono Kii Yaadien Hain
Us Waqt Kay Baray Mein
Jo Mil Kay Guzara Hai
Us Chand Kay Baray Mein
Jo Raat Kay Aadhay Pehar
Bus Hum Dono Nay Dekha Hai

Socha Tha Kabhi Hum Nay
Milkar Yon Hii Likhien Gey
Un Lamhon Kay Baray Mein Jo Sadiyon Say Bhaarii Hain
Jab Choat Tumhien Lagti
To Dard Humien Hota
Moajon Mein Samandar Kii Hum Dono Hii Kho Jatay
Tanha Hon Ya Mehfil Mein
Khud Baatien Kiye Jaana

Socha To Bohet Kuch Tha
Par Jaan Nahien Paaye
Aawaaz To Dii Thii Magar, Tum Sun Kar Nahien Aaye
Ab Jaan Yeh Paaye Ho
Socha Fqat Main Nay Tha, Tum Kuch Na Smajh Paaye
Tum Bhool Gye Sab Kuch

Ab Naye Siray Say Tum
Dobara Karo Gey Sab
Kisi Aur Ki Yaadon Mein Phir Jagah Bana Lo Gey