Tumhare Naam Ka Taara

Tumhara Naam Kuch Aise Mere Honton Pe Khilta Hay….

Andheri Raat Main Jese
Achanak Chaand Badal Kay Kisi Kone Say Bahir Jhankta Hai
Aur Sare Manzaron Main Roshni Si Phaill Jati Hai

Kali Jese Larazti, Aus Ke Qatre Pahan Ker Muskurati Hai

Badalti Rut, Kisi Maanoos Si Aahat Ki Daali Lay Kay Chalti Hai
Toh Khushboo Baagh Ki Deewar Say Rokey Nahin Rukti

Isi Khusboo Ke Dhage Say
Mera Har Chaak Silta Hay!

Tumhare Naam Ka Taara
Meri Sanson Main Khilta Hay!

Tumhare Khuwab Ka Rishta 
Meri Neendon Say Milta Hay!

Toh Dil Abaad Hota Hay
Mera Har Chaak Silta Hay!!

Tumhare Naam Ka Taara
Meri Raaton Main Khilta Hay !!