Yaad ki rehguzar jis pay usi soorat say

Yaad ki rehguzar jis pay usi soorat say
Mudat’taiN beet gaye haiN tumhaiN chaltay chaltay
Khatm ho jay jo do chaar qadam or chaloo
Mor parta hai yahaN dasht-e-faramoshi ka

Jis say aagay koi na maiN na tum ho
Saans thamay hai nigahaiN keh janay jis dam
Tum palat jaoo, guzar jaoo, ya mur ker daikho
Gerchayh waqif haiN nigahaiN keh yay sab dhoka hai

Ger kaheen phir say hum aagosh hoi tum say nazer
Phoot niklay gi wahaN koi or rehguzar
Phir isi trha jahaN ho ga muqabil paiham
Sayaa zulf ka or junbish bazoo ka safer

Dosri bat bhi jhooti hai k dil janta hai
HaaN koi mor, koi dasht koi ghaat nahiN
Jis k parday maiN mera mah rawaN doob sakay
Tum say chalti rahay yay rah younhi acha hai
Tum nay mur ker bhi na daikha to koi bat nahiN!!!