FaLaK Hai Hairaan, Zameen Dang Hai.

FaLaK Hai Hairaan, Zameen Dang Hai.
Mere Watan Me Ye Kesi Jang Hai?
Hain Mehv-e-Hairat Yahan Ky Baasi.
Hai Kon HaQ Par, Hai Kon Baaghi?

Ajeeb Manzar, Ajeeb Uljhan,
Hai Kon Apna, Hai Kon Dushman ?
Barasti Hai Har Su Lahu Ki Baarish,
Hai Koi Fitna, Ya Koi Saazish ?

Kahin MizayiL Baras Rahay Hen,
Kahin Pe Insaan Bomb Banay Hen.
Kahin Makeen-o-Makaan Pe Hamlay,
Kahin Hen "ZID" Par Juloos,Jalsay.

Badan Fiza Men Bikhar Rahay Hen.
PaLon Me Kunbay Ujar Rahay Hen.
Ye Aah-o-Zaari, Ye SoGwari
Har ik Chehray Pe Mout Taari.

Luti Muhabbat, Luta Sakoon Hai.
Hamary Haathon, Hamara Hi Khoon Hai....