Gam-e-dauraN ne bhii siikhe Gam-e-jaanaN ke chalan
vahii sochii hu_ii chaale.n vahii besaaKhtaapan
vahii iqraar me.n inkaar ke laakho.n pahaluu
vahii ho.nTho.n pe tabassum vahii abaruu pe shikan
kis ko dekhaa hai ki pindaar-e-nazar ke baavasaf
ek lamhe ke liye ruk ga_ii dil kii dha.Dakan
kaun sii fasl me.n is baar mile hai.n tujh se
ham ko parvaah-e-girebaa.N hai.n na fikr-e-daaman
ab to chubhatii hai havaa barf ke maidaano.n kii
un dino.n jism ke ehasaas se jalataa thaa badan
aisi suuni to kabhii shaam-e-GariibaaN bhi na thii
dil bujhe jaate hai.n ai tiiragii-e-subah-e-vatan
Urdu & English Poetries , Ghazal's , Ashharr & Nazam's,Naat's
.
Tuesday 14 October 2014
Gam-e-dauraaN ne bhii siikhe Gam-e-jaanaaN ke chalan
Subscribe to:
Post Comments (Atom)
No comments:
Post a Comment