meri auqaat kya
mere din raat kya
mere din raat kya
reza reza badan qatra qatra lahu
tukray tukray ziddein raaegaa’n justaju
lamha lamha safar bay-samar aarzu
aik aawaargi sar-basar ku-baku
tukray tukray ziddein raaegaa’n justaju
lamha lamha safar bay-samar aarzu
aik aawaargi sar-basar ku-baku
mere zer-e-nagee’n kab koi aasmaa’n
kab koi sar-zamee’n mera malboos-e-jaa’n
khaak ki aastee’n
kab koi sar-zamee’n mera malboos-e-jaa’n
khaak ki aastee’n
is liyey jaan-e-man bhool kar ehd-e-jaa’n
chor kar shehr-e-tan tor kar bay-khalal
dard ki har rasan mujh say bay-saakhta
bay-niyaaz-e-wafa cheen kar bay-sabab
saya-e-zulf-o-lab mujh se kar k juda
apna band-e-qaba tu ne acha kia
chor kar shehr-e-tan tor kar bay-khalal
dard ki har rasan mujh say bay-saakhta
bay-niyaaz-e-wafa cheen kar bay-sabab
saya-e-zulf-o-lab mujh se kar k juda
apna band-e-qaba tu ne acha kia
meri auqaat kya
mere din raat kya
mere din raat kya
No comments:
Post a Comment